Iung pơma tơ̆ jơ bơ̆ jang, Kơ iĕng Kơdră chĕp pơgơ̆r Đảng dêh char Bạc Liêu Lê Thị Ái Nam tơbăt, Khul kơdră chĕp pơgơ̆r Đảng dêh char ling lang lăng ba kơjăp tơdrong jang kơ Khul kon pơlei choh jang sa, mă kăl rim tơdrong jang hơmet ăn Pơm lêh Khul kon pơlei choh jang sa rim hơnih.

Kơdră chĕp pơgơ̆r dêh char hlôi pơrô̆ athei Khul kon pơlei choh jang sa dêh char jang hơdoi hăm Hơnih vei lăng Choh jang sa păng Atŏk tơ iung tơring tơrang pơgơ̆r Hop akŏm lăng hơlen rim trong jang vă xơkơ̆t hơdăh tơdrong jang tơm, mă kăl ăn kon pơlei choh jang sa Bạc Liêu. Pơma pơtôch hơ bơ̆ jang, Kơ iĕng Kơdră chĕp pơgơ̆r Trung ương Khul kon pơlei choh jang sa Việt Nam Cao Xuân Thu Vân hôn bơnê kơtang tơdrong jang hơmet ăn adoi nhen pơgơ̆r Pơm lêh hop akŏm Khul kon pơlei choh jang sa rim hơnih kơ dêh char Bạc Liêu, adoi athei dêh char kăl lăng ba kơjăp găh khul kơdră chĕp pơgơ̆r, mă kăl Khul kơdră chĕp pơgơ̆r Khul kon pơlei choh jang sa dêh char Bạc Liêu lơ̆m jăl ‘nao ưh khan lăp đei jơhngơ̆m đon bơ̆ jang chinh trĭ kơjăp mă lei kăl đei tơdrong bơ̆ jang gơ̆h hơgei lơ̆m atŏk tơ iung mŭk drăm.