VOV4.Bahnar - Khŭl Kơ dră Anih jang Trung ương Mặt trận Tổ quốc Việt Nam ‘nao đei tơ roi tơ băt găh pơ tôch dăr hơ len đơ̆ng Mặt trận Tổ quốc Việt Nam đơ̆ng rŏng ‘măng hop akŏm mă 2 truh ‘măng hop akŏm mă pêng, Kuôk hô̆i jăl XV. Kŭm hăm tơ drong jang đang Trong tơ lĕch jang dăr hơ len pơ đĭ sơ năm 2021, Khŭl hlôi tơ lĕch jang 10 tơ drong dăr hơ len kiơ̆ Trong tơ lĕch jang dăr hơ len păng pơ ma tơ blang ăn tơ pôl sơ năm 2022. Dôm tơ drong jang dăr hơ len adoi iŏk đei dôm jơ nei yak ƀlŭng gĭt kăl, tơ gop hơ met ming, hơ met pơ ‘lơ̆ng dôm tơ drong ưh tam mă ‘lơ̆ng păng hơ tŏk ‘lơ̆ng, pôk pơ ư dôm jơ nei ‘lơ̆ng lơ̆m dôm tơ drong jang pha ra băl... Sơ năm 2022, Mặt trận Tổ quốc Việt Nam pơ gơ̆r dăr hơ len 1,2 tơ drong tơm gĭt kăl nhen: tơ drong pơ hrăm ming jơ hngơ̆m đon ‘lơ̆ng đơ̆ng bơ ngai chĕp kơ̆l, kang ƀô̆ dơ nơm, kang ƀô̆ đảng viên; tơ drong bơ̆ jang kiơ̆ trong jang tơ gŭm bơ ngai jang păng bơ ngai iŏk yua bơ ngai jang tơ ƀơ̆p mơ mat tat yua đơ̆ng jĭ hơ buh Covid-19; tơ drong hơ met pơ ‘lơ̆ng 1,2 tơ drong tơ kêng tơ hlâu mơ mat tat, pơ dui đunh; tơ drong jang kiơ̆ Tơ drong jang tơm kơ teh đak hơ tŏk tơ iung mŭk drăm tơ pôl tơ ring kon pơ lei kon kông păng tơ ring groi kông.

Thuem: Tơ blơ̆