VOV4.Bahnar - Pơ ma hơ dăh tơ̆ ‘măng hop akŏm trực tuyến găh tơ jră teh tơ drŏ tơ̆ dêh char Kon Tum đei pơ gơ̆r pơ gê ‘năr (19/4) tơ̆ Hà Nội, ƀok Trần Quang Hoài, Phŏ kơ dră Anih pơ gơ̆r jang kơ teh đak găh tang găn tơ drong truh đơ̆ng tŏ ‘mi kial athei, ưh kơ mong akŏm thim đak lơ̆m dơ nâu mong đak hnam kơ măy ŭnh điên Thượng Kon Tum lơ̆m khei ‘năr âu. Chih jô̆ đơ̆ng Anih jang Vật lý Địa cầu, Anih jang Hàn lâm Khoa học păng Kơ măy kơ mŏk Việt Nam ăn ƀôh, lơ̆m khei ‘năr tơ jê̆ âu, mă hơ dăh đơ̆ng khei 4 sơ năm 2021 truh dang ei, dôm kơ sô̆ chih jô̆ ăn ƀôh tơ drong teh tơ drŏ đei ƀôh tơ̆ apŭng Kon Plông păng tơ ring tơ jê̆ đei ƀôh hơ nơ̆ng păng roi jăng dơ̆ng, mă kăl ‘noh lơ̆m dôm ‘năr 15 păng 18 khei 4 âu ki hlôi chih iŏk teh tơ drŏ đei ƀôh hơ nơ̆ng tơ̆ tơ ring ‘nâu hăm akŏm đĭ đăng kơ sô̆ 22 ‘măng teh tơ drŏ jăng đơ̆ng 2,5 truh 4,5 độ rích te. Mă đơ̆ng ding truh dang ei tam mă chih iŏk hiong răm găh hnam oei păng bơ ngai tơ̆ tơ ring teh tơ drŏ ră, mă lei teh tơ drŏ âu hlôi ƀơm ưh kơ ‘lơ̆ng truh tơ drong arih sa kơ kon pơ lei lơ̆m tơ ring.

Thuem: Tơ blơ̆