Vov4.Bahnar - Tơ̆ jơ hôp roi tơ băt găh tơ drong jang mŭk drăm tơ pôl jăl khei mă II sơ năm 2022 yoa Dơ nŏ anih vei lăng kon pơ lei dêh char Ninh Thuận pơ gơ̆r kơ sơ̆ ‘năr 14/7, bơ ngai tang măt ăn Anih vei lăng trong nơ năm dêh char roi tơ băt găh tơ drong jang vă pơm hơ met trong gre treng Tháp Chàm- Đà Lạt. Trong gre treng đei tơ mât yoa đơ̆ng sơ năm 1932 păng pơ dơ̆h đơ̆ng sơ năm 1972.

Tơ drong jang pơm trong gre treng âu kơ jung 83,5 km, lơ̆m nŏh jăl trong kơ dâu klĕch dêh char Ninh Thuận 49 km, hăm 17 anih jur tŏk ăn tơ moi. Găh noh dơ̆ng, đei 64 tŏ gơng, 5 trong trôm păng 16 km pơm trong tơ prŏh hơ nĕng pơ sei. Vă bơ̆ jang tơ drong jang ‘nâu, athei chưk pơ ‘ngoăih tĕh klĕch dêh char Ninh Thuận xă dang 130ha, mă lơ ‘nŏh tĕh choh jang xa. Akŏm đĭ đăng jên pơm trong dang 27.780 ti. Tơ chĕng adrol trong gre treng âu vă pơm đơ̆ng sơ năm 2024 păng pơm kĕh, tơ mât yoa đơ̆ng sơ năm 2030.

Dơ̆ng: Tơ blơ̆