VOV4.Bahnar - ‘Năr 15/3,  Anih pơ gơ̆r Trung ương pơ gơ̆r hop akŏm, vei kơ jăp, tơ lĕch jang kiơ̆ tơ drong tơ chơ̆t kơ sô̆ 58 đơ̆ng Anih tơm Chĭnh trĭ “ 1,2 tơ drong vei lăng chĭnh trĭ lơ̆m Đảng” păng iŏk nơ̆r tơ gop găh hla ar chih ming Pơ tho jang kiơ̆ tơ drong tơ chơ̆t. Tơ drong tơ chơ̆t kơ sô̆ 58 găh vei lăng chĭnh trĭ lơ̆m Đảng ‘noh đei 7 điểm ‘nao, lơ̆m noh kăl kơ lăng truh tơ drong tơ chơ̆t tơ mơ̆t dơ̆ng kơ sô̆ proh hơ met hăm kang ƀô̆, đảng viên đei tơ drong chĭnh trĭ mơ mat tat mă lei ưh kơ pơm glăi tơ drong tơ chơ̆t ‘nâu.

Hop akŏm

Pơ ma tơ̆ Hop akŏm, yă Trương Thị Mai – Kơ dră anih pơ gơ̆r Trung ương pơ ma hơ dăh: vei lăng chĭnh trĭ ‘noh jĭ tơ drong kăl, athei mă kơ jăp, pơ ‘lơ̆ng vă vei sơ đơ̆ng tơ drong chĭnh trĭ ưh khan lăp ăn kơ Đảng mă oei jing tơ drong arih chĭnh trĭ kơ kang ƀô̆, đảng viên. Yua thoi noh, kăl kơ đei hơ nơ̆ng tơ chĕng hơ len, vei kơ jăp jang kiơ̆ vă pơm tơ drong drơ̆ng nơ̆r găh tơ drong hlôh vao, rơ đăh găh đon tơ chĕng hơ drol kơ mơ̆t hơ met pơ ‘lơ̆ng dôm tơ drong yan âu hơ dăh.

Thuem: Tơ blơ̆