Tơ̆ hop akŏm tơlĕch trong jang sơnăm 2023 găh tơdrong vei lăng rơgŏh ‘lơ̆ng tơmam xa yoa Anih tơm vei lăng choh jang xa păng atŏk tơiung tơring tơrang jang hơdoi hăm Dơnŏ anih vei lăng kon pơlei plt Hà Nội pơgơ̆r ‘năr brei (6/1), Phŏ Kơdră tơm vei lăng choh jang xa păng atŏk tơiung tơring tơrang Trần Thanh Nam athei, hơtŏk tơdrong vei lăng rơgŏh ‘lơ̆ng tơmam xa ƀât Tết nguyên đán Quý Mão sơnăm 2023.

Pơma tơ̆ hop akŏm, Phŏ Kơdră tơm vei lăng choh jang xa păng atŏk tơiung tơring tơrang Trần Thanh Nam ăn tơbăt, vei lăng rơgŏh ‘lơ̆ng tơmam xa ƀât Tết Nguyên đán Quý Mão 2023, Anih tơm athei pơjing lơ Khul dăr lăng tơ̆ dôm plt tih. Kiơ̆ đơ̆ng dăr lăng ăn ƀôh, tơmam ‘lơ̆ng, rơgŏh đei măh mai vă pơtruh ƀât Tết Nguyên đán Quý Mão 2023. Tơdrong kăl tơrĕk kơplăh khei ‘năr âu ‘nŏh vei lăng rơgŏh ‘lơ̆ng ăn dôm tơmam xa vă tĕch mơdro ƀât Tết tơ̆ rim kơchơ tĕch mơdro, kơchơ mong tơmam.