VOV4. Bahnar - Năr 25/4, Kơ iĕng Thủ tướng Vũ Đức Đam hlôi kĭ Hla bơar pơtrŭh ăn đơ̆ng Thủ tướng tĕh đak găh tơdrong vei lăng năng sơđơ̆ng dơ̆ng kơ jăp lơ̆m tơdrong jang tơmang pơ hiơ̆ jơ ‘năr pơdơ̆h Lêh 30/4 - 01/5/2022. Thủ tướng Tĕh đak athei rim Hơnĭh tơm, Hơnĭh jang găh Khŭl kơdră Tĕh đak, Dơnŏ anĭh vei lăng kon pơlei rim dêh char, pơlei tơm găh Trung ương akŏm pơrô̆ tơlĕch jang kiơ̆ kơtang rim trong jang vei lăng sơđơ̆ng dơ̆ng kơ jăp tơpôl, vei lăng cham char, rơgŏh ‘lơ̆ng tơmam drăm sa ...; atŏk bơ̆ jang ‘lơ̆ng tơmang pơ hiơ̆. Kiơ̆ kơ ‘nŏh, atŏk kơtang pơtho tơbăt, atŏk jơhngơ̆m đon hlô̆h vao kơ Hơnĭh mơdro sa, ŭnh hnam mơdro sa, tơmoi tơmang pơ hiơ̆ lơ̆m pơm kiơ̆ sơđơ̆ng tang găn jĭ hơbŭh Covid-19, vei lăng rơgŏh cham char, rơgŏh tơmam drăm sa... tơ̆ rim hơnĭh tơmang pơ hiơ̆; Pơrô̆ athei rim tơring atok kơtang jang dăr lăng tơdrong sơđơ̆ng ‘lơ̆ng tơmang pơ hiơ̆; sơđơ̆ng ăn tơmoi tơmang pơ hiơ̆ mư̆h yak tơ̆ trong, mă kăl tơ̆ dôm hơnĭh hơmơt tơt ngăl đei gre tơhlăk tơhlĭn, sar bar trong nơnăm.

Tơblơ̆ nơ̆r: Amazưt