VOV4.Bahnar – Kiơ̆ kơtơ̆ng ang đơ̆ng Anih tơm Pơtho Pơhrăm, tôm 7 'nu hŏk tro Việt Nam năm pơlong Olympic Tin hŏk Châu Á Thái Bình Dương xơnăm 2022 adoi đei iŏk mêđai, lơ̆m noh đei 3 Mêđai Măh păng 4 Mêđai Hu.  Olympic Tin hŏk châu Á Thái Bình Dương xơnăm 2022 đei pơgơ̆r kiơ̆ pơkăp pơlong trư̆k tuyê̆n; Ai Cập noh teh đak pơgơ̆r pơlong.

Kiơ̆ tơchơ̆t đơ̆ng Jơnŭm pơgơ̆r pơlong Olympic Tin hŏk Châu Á Thái Bình Dương, Việt Nam đei rơih 7 'nu hŏk tro đei điểm kơjung hloh vă akŏm pơlong. Tơ̆ Olympic Tin hŏk Châu Á Thái Bình Dương xơnăm 2022 đei 888 'nu pơlong kơ 35 teh đak păng tơring vang pơlong. Đơ̆ng noh, đei 186 'nu đei iŏk jơnei hơpăh. Đơ̆ng rŏng 10 xơnăm pơlong Olympic Tin hŏk Châu Á - Thái Bình Dương, âu jing xơnăm mă hŏk tro Việt Nam đei iŏk jơnei kơjung hloh.

Lan chih păng pơre nơ̆r