VOV4.Bahnar - Việt Nam ‘nao đei pôk jing teh đak jang lơ̆m Khŭl kơ dră jang hơ dai - trong jang vei lăng, dăr lăng tơ drong bơ̆ jang kiơ̆ tơ chơ̆t 2003 – jăl jang 2022-2026 kơ UNESCO, hăm kơ sô̆ kơ phiê̆u lơ. ‘Nâu jĭ pơ tôch đơ̆ng ‘Măng hop akŏm Jơ nŭm rim teh đak jang lơ̆m tơ chơ̆t vei lăng tơ mam drăm so kăp gĭt kơ UNESCO ‘măng mă 9 tơ̆ Paris. Lơ̆m akŏp kơ sô̆ 12 teh đak đei pôk jang lơ̆m khŭl jang tơ plih ăn jăl jang 2022-2026, đei 4 teh đak tơ̆ tơ ring châu Á – Thái Bình Dương ‘noh Việt Nam, Malaysia, Ấn Độ păng Bangladesh. Khŭl kơ dră jang hơ dai Tơ drong tơ chơ̆t 2003 ‘noh đei 24 teh đak jang lơ̆m khŭl, jĭ anih jang vei lăng gĭt kăl kơ UNESCO găh vei lăng tơ mam drăm so kăp gĭt, pŭ hơ năp jang lơ̆m dăr hơ len jang kiơ̆ tơ drong tơ chơ̆t, tơ lĕch dôm trong jang vei lăng tơ mam drăm so kăp gĭt, tơ gŭm apŭng plĕnh teh, set hơ len dôm hla ar hô sơ pơ truh chih hơ năn... vă Jơ nŭm jang hơ dai tơ drong tơ chơ̆t pơ drơ̆ng kiơ̆. ‘Nâu jĭ ‘măng mă 2 Việt Nam iŏk hơ năp jang gĭt kăl tơ̆ anih jang vei lăng tơm găh joh ayŏ kơ UNESCO.

Thuem: Tơ blơ̆