Ƀar kơdră chĕp kơ̆l pơma hơdăh hlôi đei ‘măng pơma đam tôch kơ jơnei, drơ̆ng 1 nơ̆r đei lơ tơdrong jang hơdai gĭt kăl, hơtŏk tơdrong pơvei jang hơdai đơ̆ng 2 teh đak. Kơdră teh đak Nguyễn Xuân Phúc tơbăt, hăm jên mơdro sa 2 pang iŏk đei 11,5 ti USD lơ̆m sơnăm 2021, jang đang hrôih 2 sơnăm păng sơnăm ‘nâu rŏ lăng iŏk đei 13 ti USD, 2 păh drơ̆ng 1 nơ̆r hơnhăk jên mơdro sa 2 pang tŏk 15 ti USD. Sơnăm truh, 2 teh đak gô tơbăt 10 sơnăm jang hơdai, pơih ăn chăl ‘nao lơ̆m jang hơdai 2 teh đak.

Kơdră tơm teh đak Indonesia Joko Widodo athei Việt Nam pơm tơdrong hiôk ăn tơmam Indonesia tĕch lơ̆m Việt Nam, mă loi ‘noh jĭ tơmam đơ̆ng choh jang sa. Vang pơtrŭt jang hơdai tơmang lăng, hơdai hăm pơtrŭt dôm anih jang gre păr 2 teh đak jang đang dôm trong tơlĕch jang vă pơih trong păr ‘nao đơ̆ng Đà Nẵng păng Java păng hơtŏk loi dơ̆ng lơ ‘măng păr đơ̆ng pơlei tơm Hồ Chí Minh păng Jakatar. Đang kơ ‘noh, Kơdră tơm Joko Widodo hlôi pơgơ̆r et sa hăm Kơdră teh đak Nguyễn Xuân Phúc.