Đơ̆ng rŏng lêh sơng tih tơ̆ Anih bơ̆jang Khŭl kơdră teh đak, 2 Thủ tướng hlôi pơgơ̆r pơma đam păng tơƀôh đon hơdrin hơnơ̆ng hơtŏk tơdrong pơvei tơbôl tih, tơgoăt pôm ƀơ̆r đon gĭt kăl, jang hơdai tôm tong păng tơklep hơdai gĭt kăl Việt Nam - Lào. 2 păh hơlen lăng ‘lơ̆ng dôm jơnei jang hơdai khei ‘năr âu ki, hơdai hăm drơ̆ng 1 nơ̆r pơvei đei yua dôm trong jang hơdai, tơlĕch jang tơpăt dôm tơdrong drơ̆ng nơ̆r gĭt kăl păng Tơdrong tơchơ̆t jang hơdai 2 pang jăl jang 2026-2030.

Găh mŭk drăm, 2 teh đak drơ̆ng nơ̆r pơtrŭt tơƀưh trong nơnăm, logistics păng tĕch mơdro kiơ̆ trong tơplih pran đơ̆ng jang hơdai tơbôl jing jang hơdai đei yua, vang hơtŏk tơiung; tơgŭm hơdrol dôm tơdrong jang gĭt kăl nhen trong gre kơdâu hrĕnh Hà Nội - Viêng Chăn, trong gre treng Vũng Áng - Viêng Chăn, tơgop hơtŏk loi dơ̆ng jang hơdai tơring.