VOV4.Bahnar - ‘Măng tăh hla pôk rơ̆ih Khŭl kơdră ‘nao kơ Jơnŭm chĕp pơgơ̆r pơm tơm kơdĭh kon bơngai LHQ jăl jang 2023-2025 lơ̆m au đei Việt Nam ‘nŏh mĭnh lơ̆m dôm tĕh đak jang lơ̆m khŭl năr 11/10 hlôi pơgơ̆r tơ̆ Khŭl chep pơgơ̆r LHQ jăl 77 tơ̆ New York. 14 tĕh đak ‘nao lơm akŏp 17 tĕh đak đei chĭh hơnăn hlôi đei pôk tơmơ̆t jang lơ̆m Jơnŭm chĕp pơgơ̆r pơm tơm kơdĭh kon bơngai LHQ, tang măt ăn 5 khŭl tĕh đak ‘nŏh: châu Phi, châu Á-Thái Bình Dương, Đông Âu, châu Mi Latinh păng Caribe, Tây Âu păng rim tĕh đak anai.

Khŭl chĕp pơgơ̆r Liên hợp quốc tăh kơphĭu pôk rơ̆ih rim khŭl ‘nao lơ̆m Jơnŭm chĕp pơgơ̆r pơm tơm kơ dĭh kon bơngai jăl jang 2023-2025

Khŭl châu Á-Thái Bình Dương đei lăng jing tơdrong pơjei dĭh băl tôch kơtang mư̆h đei trŭh 6 tĕh đak đei chĭh hơnăn ăn pôk rơ̆ih lăp iŏk đei 4 tang dŏ păng dôm tĕh đak iŏk đei jơnei ‘nŏh Việt Nam, Bangladesh, Kyrgyzstan păng Maldives. hăm 145 lơ̆m kơsô̆ 189 phĭu pôk rơ̆ih ƀlep, Việt Nam hlôi ‘măng mă 2 iŏk đei jơnei mơ̆t jang lơ̆m dơnŏ anĭh bơ̆ jang au. ‘Nau jing ‘măng mă ƀar Việt Nam đei pôk tơmơ̆t jang lơ̆m dơnŏ anĭh au lăp đơ̆ng rŏng iŏk đei lơ̆m bơ̆ jang khŭl kơdră Jơnŭm chĕp pơgơ̆r Pơm tơm kơdih kon bơngai Liên hợp quốc jăl jang 2014 – 2016.

VOV/Amazưt tơblơ̆