Tơ̆ jơ tơƀâp, 2 ‘nu kơdră drơ̆ng nơ̆r pơm hơtŏk tơdrong jang hơdoi gĭt kăl tôm tơdrong yoa tơdrong rơngei, jang hơdoi păng jang tŏk pran kơjăp đơ̆ng Việt Nam păng Mi roi đunh roi ‘lơ̆ng hlŏh dơ̆ng, đei yoa hlŏh dơ̆ng, lơ̆m noh jăh kĭ pơkăp Tơdrong tơchơ̆t tĕch mơdro hăm băl đơ̆ng Việt Nam păng Mi kiơ̆ trong hơtŏ ‘lơ̆ng, hơtŏk jên tơmât jang đơ̆ng Mi tơ̆ Việt Nam.

Kiơ̆ nơ̆r athei đơ̆ng Thủ tướng Phạm Minh Chính, Kơdră tơm teh đak Mi Donald Trump đei nơ̆r pơma ‘lơ̆ng hơiă păng chih iŏk nơ̆r athei năng Việt Nam jĭ teh đak jang mŭk drăm hiôk hian, hơnhăk Việt Nam lĕch đơ̆ng hơnăn tĕch mơdro gĭt kăl tơ̆ teh đak đe kiơ̆ jăl sơnăm, atŭm hăm ‘nŏh athei dôm kuan tih teh đak Mi, nhen Kơdră tơm vei lăng jên hu, Bơngai tang măt găh tĕch mơdro oei đei măt tơ̆ Hop akŏm jăh tơl tơblang dôm tơdrong ‘nâu ăn Việt Nam.