Thủ tướng akhan, lơ̆m khei ‘năr tơdrong apŭng plĕnh teh păng tơring đei lơ tơplih, 2 teh đak kăl hơnơ̆ng hơtŏk đon lui chĭnh trĭ, pơih să jang hơdai ‘lơ̆ng, jơnei, vang đei yua. Lơ̆m noh, jang hơdai đơ̆ng rim tơring vei hơnăp jang gĭt kăl, tơgop hơtŏk loi dơ̆ng tơgoăt hơdai, pơtrŭt tơƀơ̆p pơma dơnuh đơ̆ng kon pơlei păng pơm dơ̆ng tơdrong hiôk jang hơdai ăn anih mơdro sa.

Hop akŏm sơnăm ‘nâu akŏm pơma dơnuh dôm tơdrong jang 2 păh đei lơ tơmam ‘lơ̆ng nhen hơtŏk tơiung bơngai jang, bơngai bơ̆jang, pơgang, joh ayŏ păng tơmang lăng. ‘Nâu kŭm jing ‘măng vă rim tơring Việt Nam păng Nhật Bản kơtă tơroi băl tơdrong hlôh vao, tơchă tơdrong hiôk jang hơdai ‘nao. Thủ tướng Lê Minh Hưng pơma hơdăh, Việt Nam lăng Nhật Bản jĭ teh đak jang hơdai gĭt kăl, ‘meh vă kŭm hăm Nhật Bản hơnhăk tơdrong pơvei jang hơdai roi ‘năr roi yak mơ̆t jrŭ, hơnhăk ăn đei yua ‘lơ̆ng ăn kon pơlei păng anih mơdro sa 2 teh đak.