VOV4.Bahnar - Pơ gê ‘năr 5/4, tơ̆ Hà Nội pơ gơ̆r “ Lêh kĭ pơ kăp Hla ar chih tơ ƀlŏk găh jang hơ dai lơ̆m tơ drong jang pơ tho pơ hrăm tơ drong jang đơ̆ng Khŭl kơ dră teh Cộng hòa xã hội chủ nghĩa Việt Nam păng Khŭl kơ dră teh đak Anh păng Bắc Ai-len”. Kơ dră Anih tơm vei lăng găh bơ ngai jang - linh jĭ rơ ka păng tơ pôl Đào Ngọc Dung tang măt Khŭl kơ dră teh đak Việt Nam păng Kơ dră teh đak teh đak Anh păng Bắc Ai-len tơ̆ Việt Nam tang măt Khŭl kơ dră teh đak Anh păng Bắc Ai-len kĭ pơ pơ kăp Hla ar chih tơ ƀlŏk. Dôm tơ drong tơm đơ̆ng Hla ar chih tơ ƀlŏk ‘noh đei: Vang tơ roi tơ drong hlôh vao joăt jang găh pơ tho pơ hrăm; tơ gŭm pơ jing păng jang kiơ̆ dôm tơ drong jang tơ gŭm pơ tho pơ hrăm kơ jăp; jang hơ dai hơ met ‘lơ̆ng tơ drong gơh vei lăng, chĕp kơ̆l, pơ tho pơ hrăm păng hơ len lăng tơ drong gơh jang tơ̆ dôm anih pơ tho pơ hrăm tơ drong jang tơ̆ Việt Nam; pơ trŭt kơ măy kơ mŏk ki thuơ̆t kơ sô̆ lơ̆m pơ tho pơ hrăm trực tuyến; hơ met ‘lơ̆ng tơ drong jang tơ gŭm pơ tho pơ răm tơ drong jang; tơ lĕch jang dôm tơ drong jang pơ tho nơ̆r pơ ma lăp lơ̆m pơ tho pơ hrăm tơ drong jang.

Thuem: Tơ blơ̆