Hop akŏm Kơdră tơm gĭt kăl găh Bơngai jang, tơdrong đei yua ăn tơpôl păng hơtŏk tơ iung bơngai jang Việt Nam – Lào ƀlep ƀơ̆t tơbăt 60 sơnăm pơjing tơdrong pơvei jang tơbôl đơ̆ng 2 teh đak pơgơ̆r pơgê ‘năr 29/11 tơ̆ pơlei tơm Hạ Long, Quảng Ninh.

Hop akŏm lăng ‘lơ̆ng dôm jơnei jang kiơ̆ Hla ar ƀiên ƀan Hop akŏm Kơdră tơm vei lăng bơngai jang păng tơdrong đei yua ăn tơpôl ‘măng mă 7 sơnăm 2021 păng tơdrong jang hơdai găh bơngai jang păng tơdrong đei yua ăn tơpôl jăl jang 2012-2022.

Kiơ̆ kơ ‘noh, 2 păh hơnơ̆ng pơtrŭt păng pơm tơdrong hiôk ăn bơngai jang 2 teh đak bơ̆ jang tơ̆ Lào păng Việt Nam; vang tơroi tơdrong hlôh vao găh hơtŏk tơiung tơdrong jang lơ̆m tơdrong ‘nao, vei lăng bơngai jang oei đơ̆ng nai, tơgŭm bơngai iang đei ƀơm ưh kơ ‘lơ̆ng lơ̆m jĭ COVID-19; tơgŭm bơngai răm đơ̆ng ƀôm mĭn, vei sơđơ̆ng ‘lơ̆ng mưh bơ̆ jang păng bơngai jo jăn... Pơma dơnuh dôm tơdrong jang hơdai lơ̆m sơnăm 2023 păng drơ̆ng nơ̆r tơchĕng hơlen dôm trong vă jang hơdai lơ̆m khei ‘năr ‘nao.