Iung pơma tơ̆ jơ pơm lêh, PGS.TS Phan Thị Hồng Xuân, Kơdră chĕp pơgơ̆r Khul Tơgoăt tơgoăl Việt Nam-Đông Nam Á Pơlei tơm HCM pơma hơdăh tơdrong tơgoăt tơgoăl dih băl roi năr roi atŏk tơ iung tôm tong păng tơpă jô̆ đơ̆ng mă ƀar teh đak pơm hơtŏk tơgoăt tơgoăl jang hơdoi gĭt kăl. Sơnăm 2023, tĕch mơdro dih băl kơ ƀar teh đak iŏk đei 7 ti 800 triu USD, tŏk vă jê̆ 70% pơtêng hăm sơnăm 2015. Việt Nam hơnơ̆ng jing teh đak tĕch mơdro phe lơ hloh ăn teh đak Philippines, tơgop pơm sơđơ̆ng phe sa ƀa sŏng lơ̆m tơring. Yă Phan Thị Hồng Xuân tơbăt, jang hơdoi vei lăng sơđơ̆ng teh đak kơ ƀar teh đak roi năr roi đei hơmet pơ ‘lơ̆ng hăm bơ̆ jang năm pơtrui hơdoi tơ̆ đak dơsĭ, atŭm hăm dôm tơdrong chă tơƀơ̆p yak năm ngôi dih băl kon pơlei, tơdrong pơtho pơhrăm păng joh ayŏ roi năr roi pơih să hloh dơ̆ng.