VOV4.Bahnar - Pơ gê ‘năr (18/05), tơ̆ achon Tuần Châu, pơ lei tơm Hạ Long, dêh char Quảng Ninh, Anih tơm vei lăng găh choh jang sa păng hơ tŏk tơ iung tơ ring tơ rang Việt Nam jang hơ dai hăm Anih tơm vei lăng găh choh jang sa tơ ring tơ rang Trung quốc păng Anih vei lăng kon pơ lei dêh char Quảng Ninh pơ gơ̆r ‘măng pơm lêh “ Hơ chăng yŏng ka hơ dang tơ̆ tơ ring ving Bắc bộ sơ năm 2022".  Tơ drong jang gô đei hloh 8 triệu kon yŏng ka hơ dang lơ̆m jơ pơm lêh tơ̆ Tuần Châu. Tơ drong jang oei lơ̆m tơ drong bơ̆ jang kiơ̆ hla ar chih tơ blŏk găh tơ lĕch jang hơ dai hơ chăng yŏng ka hơ dang păng vei lăng đei ka hơ dang lơ̆m Ving Bắc bộ đei kĭ đơ̆ng Kơ dră Anih tơm vei lăng găh choh jang sa păng Hơ tŏk tơ iung tơ ring tơ rang Việt Nam păng Kơ dră Anih tơm vei lăng găh choh jang sa păng hơ tŏk tơ iung tơ ring tơ rang Trung Quốc ƀlep ƀơ̆t ‘măng năm tơ mang đơ̆ng Tổng bí thư Nguyễn Phú Trọng truh tơ̆ Trung Quốc sơ năm 2017. Đơ̆ng sơ năm 2017 truh dang ei, 2 păh hlôi jang hơ dai pơ gơ̆r jơ nei 04 ‘măng bơ̆ jang hơ chăng yŏng ka hơ dang atŭm lơ̆m Ving Bắc bộ.

Thuem: Tơ blơ̆