Trong jang hơdoi đei tơdrong vang akŏm đơ̆ng Khul vei lăng Tơring sơlam Phổ Nhĩ, Anih vei lăng tơring sơlam mât lĕch tơ̆ ‘măng Mường Khang (Trung Quốc); Khul jơdră chĕp kơ̆l Ƀô đô̆i vei lăng tơring sơlam dêh char Điện Biên (Việt Nam) păng Công an dêh char Phông Sa Lỳ (Lào).

Kiơ̆ tơdrong drơ̆ng nơ̆r, dôm pang vă jang hơdoi kiơ̆ trong hơtŏ băl găh tơdrong pơm tơm, năng kăl tơdrong gơ̆h jang đơ̆ng băl, vang jang hơdoi ‘lơ̆ng tơ̆ yăn âu păng vang tơgŭm ăn băl. Dôm tơdrong jang tơm đei pơgơ̆r hop akŏm 2 sơnăm 1 vât kiơ̆ trong pơlơ̆h băl pơgơ̆r; hơtŏk tơdrong vei lăng, pơgơ̆r jang hơdoi tơ̆ dôm tơring gĭt kăl; tơlĕch dôm trong jang vei lăng sơđơ̆ng ƀât năr lêh, Têt păng dôm tơdrong jang chinh trĭ gĭt kăl tơ̆ rim teh đak.

Bơngai tang măt ăn dôm pang pơma hơdăh, tơdrong pơjing trong jang hơdoi ‘măng mă âu tơƀôh hơdăh hơyak tŏk ‘nao lơ̆m tơdrong pơvei jang hơdoi đơ̆ng khul jang kơpal kơ 3 teh đak Việt Nam - Trung Quốc - Lào, vang tơgop pơjing tơring sơlam rơngei hiôk hian, jang tơbôl ‘lơ̆ng, jang hơdoi păng vang jang tŏk pran kơjăp.