Tơ̆ hop akŏm, 2 păh pơma nuh tơpăt găh tơdrong tơ̆ đak dơsĭ, drơ̆ng nơ̆r hơnơ̆ng bơ̆ jang ‘lơ̆ng kiơ̆ đon tơchĕng đơ̆ng kơdră chĕp kơ̆l, vei lăng păng sek tơlang ‘lơ̆ng rim tơdrong ưh kơlăp băl, vei kơjăp tơdrong rơngei hiôk hian, tơ̆ đak dơsĭ Biển Đông.

Ƀok Bùi Thanh Sơn athei 2 păh adrin vei kơjăp tơdrong Drơ̆ng nơ̆r găh dôm tơdrong hơgăt, nơ̆r pơtho kăl vă sek tơlang tơdrong tơ̆ đak dơsĭ Việt Nam - Trung Quốc, ‘moi kiơ̆ luơ̆t apŭng plenh teh; athei hơlen năng tơdrong đei yoa đơ̆ng băl, năng kăl tơdrong pơm tơm, đei yoa trŏ luơ̆t đơ̆ng băl; hơnơ̆ng hơtŏk trong pơgơ̆r pơma đam găh đak dơsĭ, hơtŏk tơdrong jang hơdoi tơ̆ đak dơsĭ, sek tơlang tơgăl dôm tơdrong tơ̆ đak dơsĭ; kŭm hăm dôm teh đak ASEAN hơtŏk tơdrong pơma đam, jăh iŏk đei hla ar drơ̆ng nơ̆r COC đei yoa,lăp hăm yăn âu.