WB akhan dôm tơ drong jang găh tŏ ‘mi kial kơ Việt Nam đei yoa ‘lơ̆ng
Thứ tư, 10:55, 09/11/2022
VOV/Dơ̆ng tơ blơ̆
VOV/Dơ̆ng tơ blơ̆
VOV4.Bahnar - Lơ̆m hop akŏm COP27, pơ gê 8-11, Khul Việt Nam yoa Kơ dră tơm vei lăng tơ mam drăm păng cham char Trần Hồng Hà chĕp kơ̆l bơ̆ jang hăm Grŭp jang kơ Anih mong jên apŭng plenh tĕh (WBG) găh hơ tŏk tơ drong jang găn ƀiơ̆ tơ drong tơ lĕch kơ chơ̆t ‘mê̆ ‘mach, pơm ăn plei tĕh roi tơ tŏ vă tơ jră hăm tŏ ‘mi kial tơ plih.
Pơ ma tơ̆ hop akŏm đei hloi Kơ dră Anih mong jên apŭng plenh tĕh ƀok David Malpass, Kơ dră tơm tĕh đak Tanzania, Kơ dră tơm tĕh đak Mozambique, Ƀok Kơ dră Trần Hồng Hà roi tơ băt dôm tơ drong jang, trong jang đơ̆ng Việt Nam mưh bơ̆ jang kiơ̆ nơ̆r pơ kăp hăm WB găh tang găn tŏ ‘mi kial tơ plih.
Găh kơ dih kâu, Kơ dră Anih mong jên apŭng plenh tĕh ƀok David Malpass akhan, dôm tơ drong jang đơ̆ng Việt Nam hlôi pơ jing jơ hngâm pran păng tơ drong đei yoa ‘lơ̆ng. Tơ drong pơ vei đơ̆ng WB păng Việt Nam mưh bơ̆ jang tơ plih ming ‘nŏh jĭ trong jang ‘lơ̆ng ăn dôm tĕh đak păng tơ ring jang kiơ̆. Ƀok David Malpass pơ ma hơ dăh, WB vă hơ nơ̆ng yak hơ doi hăm Việt Nam mă loi jĭ lơ̆m tơ drong oei xa, bơ̆ jang kiơ̆ hơ yuh tŏ ‘mi kila tơ plih.
Viết bình luận