VOV4.Bahnar - Anih mong jên apŭng plĕnh teh (WB) tơ̆ Việt Nam hlôi pơ gơ̆r jơ tơ băt hơ dăh Hla ar chih tơ roi dơ̆ng tơ drong mŭk drăm Việt Nam chih khei 8 sơ năm 2022 hăm hơ năn “ Pơ tho pơ hrăm vă jang tŏk”. Hla ar chih tơ roi tơ băt truh dôm tơ drong tơ plih ‘nao hloh đơ̆ng mŭk drăm Việt Nam, tơ lĕch ăn dôm tơ drong tơ dra hơ drol găh hơ mĕng kơ đeh khei ‘năr pơ kăp păng păh lăp đơ̆ng mŭk drăm kŭm nhen hơ len lăng găh ưh kơ pŭn ai lơ̆m teh đak păng găh ‘ngoăih ƀơm truh tơ drong hơ mĕng jang tŏk đơ̆ng Việt Nam. Hla ar chih tơ roi tơ băt akhan, kơ plăh tơ iung ming mŭk drăm kơ Việt Nam tŏk lơ̆m 6 khei âu ki, gơ nang đơ̆ng tơ drong pơm tơ lĕch kơ jăp păng dôm anih jang pơ vih pơ văn tơ iung ming pran kơ tang. Yua thoi noh, kiơ̆ kơ WB, GDP đei tơ dra hơ drol tŏk pran đơ̆ng 2,6% lơ̆m sơ năm 2021 tŏk 7,5% lơ̆m sơ năm 2022, hơ tŏk kơ jă đei tơ dra hơ drol tŏk jô̆ păh lăp 3,8%. Kŭm kiơ̆ kơ WB, tơ plih ‘nao tơ drong pơ tho pơ hrăm đăi hŏk ‘noh jĭ tơ khoă vă hơ tŏk ‘lơ̆ng iŏk yua đơ̆ng Việt Nam păng tơ gŭm jang đang tơ drong hơ găt jing teh đak iŏk yua jô̆ păh lăp lơ lơ̆m sơ năm 2035 păng teh đak iŏk yua lơ lơ̆m sơ năm 2045.

Thuem: Tơ blơ̆