Lăp đơ̆ng pơgê, rim khŭl lĭnh hlôi akŏm pơm rơgoh cham char, kôch khir hơmet dơ̆k, pơm rơhoi dôm trong lơ̆m pơlei, tơgŭm chơ pơdŭ tơmam yua kăl ăn dôm ŭnh hnam kon pơlei oei ưh kơ gơh chă lĕch vih vơ̆t; tơgŭm kon pơlei pơm hơmet ming dôm hơnih kon pơlei yua đei hư răm, hơmet ming dơ̆ng hnam oei, dar deh sơđơ̆ng tơdrong oei sa đơ̆ng rŏng ‘mi tih đak lơ̆p. Truh khei ‘năr dang ei, 2 hơnih ưh kơ gơh yak vĭt vơ̆t tơ̆ trong gre lơ̆m dêh char 1 đĭ ăn gre kơdâu vih vơ̆t hơ lơ̆k dơ̆ng bơih.

Anih jang pơgang tơring hlôi khăm păng asong đĕch pơgang ăn kon pơlei yông tơklăh, hơdai hăm sơng iŏk sơđơ̆ng 1 ‘nu hơioh jĭ đơ̆ng tơring ưh kơ gơh yak vih vơ̆t chơ năm tơ̆ anih hơmet jĭ. Ƀok Nguyễn Cảnh Tùng, Kơdră Anih vei lăng kon pơlei xăh Buôn Đôn roi tơbăt, khŭl kơdră tơring tŏk bŏk iŏk lê̆ hơdrol jên tơgŭm tơ̆ dôm hơnih yông tơklăh, hơmet ăn bơ̆n khăn kơ mŭng, tơmam yua kăl păng pơgang ăn kon pơlei. Tơchĕng hơdrol 2,3 năr truh, mưh đak och pơđĭ, kon pơlei mă gơh vih hơlơ̆k dơ̆ng chă hơmet hơmot păng sơđơ̆ng tơdrong hơrih sa.