VOV4,Bahnar - Kơ sơ̆ 22/9, Jơ nŭm pơ gơ̆r kon pơ lei dêh char Dak Lak jăl X, đơ̆ng 2021-2026 pơ gơ̆r hôp kiơ̆ tơ drong jang ‘măng mă 6 vă pơ gơ̆r tăh kơ phĭu pôk rơih dơ̆ng bơ ngai pơm Kơ dră Jơ nŭm pơ gơ̆r kon pơ lei dêh char jăl X. Kiơ̆ kơ ‘nŏh, hăm kơ phĭu tơ gŭm truh 91,89%, yă Huỳnh Thị Chiến Hòa – Kơ dră jang lơ̆m Khul kơ dră chĕp kơ̆l đảng dêh char, Kơ dră chĕp kơ̆l Ban Tuyên giáo dêh char đei pôk pơm Kơ dră Jơ nŭm pơ gơ̆r kon pơ lei dêh char Dak Lak khóa X, đơ̆ng 2021 – 2026. 

Yă Huỳnh Thị Chiến Hoà đei pôk pơm Kơ dră Jơ nŭm pơ gơ̆r kon pơ lei dêh char Dak Lak jăl X, đơ̆ng sơ năm 2021-2026

Yă Huỳnh Thị Chiến Hòa rơ nĕh ‘năr 18/4/1973, plei tơ̆ Quảng Ngãi; hŏk đang Cử nhân mŭk drăm tơ bôl, đei ƀăng kao kâp chĭnh trĭ. Sơ̆ yă Hòa hlôi jang lơ kơ chư̆k, nhen: pơm Phŏ Kơ dră Anih tơ lĕch nơ̆r sơ kơ̆t tơ mât jên jang dêh char Dak Lak; Kơ dră Anih jang tơ bôl dêh char Dak Lak; Kơ dră jang lơ̆m Khul kơ dră chĕp kơ̆l đảng dêh char, Kơ dră chĕp kơ̆l Ban Tuyên giáo dêh char Dak Lak.

Dơ̆ng: Tơ blơ̆