VOV4.Bahnar – Sơng iŏk nơ̆r hơvơn đơ̆ng Kơdră teh đak bơ̆n Lương Cường păng Hơkăn ƀok, Ƀok Pơtao teh đak Bỉ Philippe păng Hơkăn ƀok pơtao năm tơmang teh đak Việt Nam đơ̆ng năr 31/3 - 04/4/2025. Pơgê năr 1/4, đơ̆ng rŏng kơ Lêh sơng Kăp gĭt đei pơgơ̆r tơ̆ Anih jang Đe Kơdră, ƀok Kơdră teh đak bơ̆n Lương Cường păng Ƀok Pơtao teh đak Bỉ Phi-líp hlôi akŏm pơma đam.

VOV4.Bahnar – Ƀơ̆t tơbăt 50 sơnăm Năr tơblah jơnei dêh char Phú Yên (01/4), pơgê 'năr brei (01/4), tơ̆ pơlei tơm Tuy Hòa, dêh char Phú Yên, Khul kơpal kơ Trung ương kơyuơ ƀok Phan Đình Trạc, Kơdră Anih jang Nô̆i chĭn Trung ương chĕp kơ̆l Khul Kơpal hlôi truh soh plang nhang, plang pơkao tơ̆ Anih soi ƀlŏk Núi Nhạn.

VOV4.Bahnar - ‘Năr 31/3, Kơdră Anih vei lăng kon pơlei dêh char Lâm Đồng hlôi kĭ tơchơ̆t ăn tơdrong jang ming man trong gre kơdâu hrĕnh Bảo Lộc - Liên Khương kiơ̆ trong jang hơdai teh đak - kơdih ( jăl jang 1) hăm akŏm jên pơm hloh 17.700 ti hlak jên.

VOV4.Bahnar - Kơsơ̆ 31/3, tơ̆ Hnam Quốc hội, Kơdră Quốc hội Trần Thanh Mẫn pơgơ̆r ‘măng hop akŏm kơ Anih chĕp kơ̆l pơgơ̆r Quốc hội ăn tơgop nơ̆r găh tơdrong hơmet ăn ‘Măng hop akŏm mă 9, Quốc hội jăl XV.

VOV4.Bahnar - Tây Nguyên hlôi mât ƀât tŏk bok pơyan phang. Tơ̆ hơnăp ‘năr tŏ hang, pơđang đunh, lơ bri ‘long tơ̆ Tây Nguyên oei tôch hơmơt đei unh xa. Tơdrong jang tang găn unh xa bri tŏk bŏk đei dôm anih jang kơpal lơ̆m tơring tơlĕch tôch pơneh.

VOV4.Bahnar - Kơsơ̆ 31/3, tơ̆ anih jang Trung ương Đảng, Tổng Bí thư Tô Lâm sơng Bơngai tang măt Mi tơ̆ Việt Nam.

VOV4.Bahnar - Năr brei (31/3), tơ̆ Hơnih bơ̆ jang Khul kơdră Teh đak, Thủ tướng Phạm Minh Chính sơng pơma dơnuh hăm Khul bơngai tang măt 21 Hnam trương Đăi hŏk tơm dơnơm teh đak Mi tŏk bŏk vang năm ‘măng pơgơ̆r pơma dơnuh dih băl trong pơtho pơhrăm apŭng plĕnh teh (IAPP) 2025 tơ̆ Việt Nam.

VOV4. Bahnar - Tơ̆ hop akŏm mơ̆ng tơroi tơbăt tơlĕch jang rim tơdrong vă jang pơm trong gre rĕnh, Thủ tướng Phạm Minh Chính pơma hơdăh: atŏk kơtang iung jang tenh koăng, ‘noh sơnăm ou lơ̆m teh đak jang keh đang 3.300km trong gre rĕnh, keh đang hloh 10% pơtêng hăm trong tơlĕch ăn.

VOV4.Bahnar -  Dêh char Dak Lăk hơnơ̆ng sơkơ̆t hơdăh bơ̆ jang atŏk tơ iung đảng viên lơ̆m tơring kon kông jĭ tơdrng jang hơnơ̆ng, gĭt kăl hloh. Mĭnh đảng viên kăl jĭ mĭnh ‘nu bơngai tơm, pơm jŭk yŭk trng hơlou lơ̆m rim tơdrong jang pơting dih băl tơgop tơ iung pơjing khul jang chinh trĭ tơ̆ tơring kơjăp ‘lơ̆ng.

VOV4.Bahnar – Pơgê năr 30/3, Thủ tướng teh đak bơ̆n Phạm Minh Chính pơgơ̆r 'măng pơm jang, pơđăp dôm trong jang sek tơlang tơnap tap, tơhlăk tơhlĭn ăn hloh 1.500 tơdrong jang oei tơhlăk đunh năr.