VOV4. Bahnar - Lơ̆m dôm năr ou ki, mŭk drăm-tơpôl tơ̆ tơring kon kông dêh char Bà Rịa- Vũng Tàu roi năr roi atŏk tơ iung. Đei đăi lơ lou jĭ gơnơm tơdrong lăng ba đơ̆ng rim khul Đảng, khul kơdră chĕp pơgơ̆r atŭm hăm tơdrong hơdrin yak hloh tơnap tap đơ̆ng kon pơlei, lơ̆m ou đei tơdrong tơgop jơhngơ̆m kơ dôm bơngai đei kon pơlei lui yom. Đe sư ưh khan lăp bơngai jơ̆ng ƀang kơ khul kơdră tơring mă oei jing tơdrong gơnang kơjăp kơ kon pơlei kon kông.

VOV4.Bahnar – Kơmăng 'năr brei (07/04), tơ̆ Anih jang kơ Jơnŭm pơgơ̆r teh đak, Thủ tướng Phạm Minh Chính pơgơ̆r tơdrong Hop akŏm Thủ tướng teh đak hăm dôm Anih jang tơm, Anih jang tang măt ăn Việt Nam tơ̆ teh đak đe, dôm jơnŭm jang tơpôl, anih jang mŭk drăm vă pơđăp gah trong jang pơtrŏ hăm chăl 'nao gah tĕch pơdro lơ̆m apŭng plenh teh.

VOV4.Bahnar - Anih jang Đảng dêh char Đắk Lắk ‘nao pơgơ̆r Hop akŏm Khŭl chĕp kơ̆l pơgơ̆r Đảng bộ dêh char Đắk Lắk ‘măng mă 31 hăm lơ tơdrong gĭt kăl.

VOV4.Bahnar - Pơgê ‘năr 7/4, ƀlep ƀơ̆t năr năm soh nhang Soi kơ ƀok pơtao tơm dơnơm Hùng Vương, Kơdră teh đak Lương Cường hlôi năm ngôi păng pơlung kang ƀô̆, khŭl lĭnh kŏng an Phú Thọ tơ̆ Anih roi tơbăt pơgơ̆r Kŏng an dêh char Phú Thọ pơm tơ̆ Hơnih gru groa jơhnơr hơrih Hnam soi pơtao Hùng.

VOV4.Bahnar - Pơgê brei (7/4 - vă khan ‘năr 10/3 âm lịch sơnăm Ất Tỵ), tơ̆ Anih oei gĭt kăl kơ ƀok pơtao tơ̆ loei kông Nghĩa Lĩnh găh Hơnih gru groa jơhnơr hơrih Teh đak Hnam soi ƀok pơtao Hùng, Đảng bộ, khŭl kơdră păng kon pơlei dêh char Phú Thọ tang măt kon pơlei, khŭl lĭnh lơ̆m teh đak păng kon pơlei bơ̆n oei tơ̆ teh đak đe, pơgơ̆r lêh soh nhang ƀlŏk hơdơ̆r kơ đe ƀok pơtao Hùng.

VOV4.Bahnar - Bơ̆ jang tơdrong pơjei băl “Vang tơgŭm sut pơđĭ hnam hiăh hiok lơ̆m teh đak sơnăm 2025” kiơ̆ nơ̆r pơtho đơ̆ng Khul kơdră teh đak, truh đĭ khei 3 dêh char Kon Tum hlôi man ‘nao, pơm hơmet ming 1.776 tŏ hnam lơ̆m kơsô̆ 2.752 tŏ hnam hiăh kăl đei pơm hơmet. Hăm đon pơhnŏng truh đĭ khei 6 âu kơnh, đĭ đăng unh hnam tơnuh, unh hnam vă jê̆ tơnuh, unh hnam đei tơdrong arih xa pơmat tat ưh pă đei arih xa lơ̆m hnam pơgia, hiăh hiok, đe đảng viên tơ̆ dêh char Kon Tum oei năm hơdrol vang tơgŭm ăn kon pơlei man ming hnam kơjăp ‘lơ̆ng, hăm kơjă lơƀiơ̆ kơsô̆ jên đei tơgŭm.

VOV4.Bahnar - Yôk Ƀok dơnơm Hùng Vương (năr 10 khei 3 âm lĭch) ưh khan lăp jơ’năr vă ƀlŏk hơdơ̆r ƀok yă dơnơm, mă oei đei tơdrong gĭt kăl pơtho khan ăn jơhnơr mơlôh, pơm hơtŏk jơhngơ̆m đon hưch hanh hơmanh bơnê hơdrĕch hơdrung, jơhngơ̆m đon ‘mêm kơ eng teh đak păng jơhngơ̆m đon vei răk tơdrong oei sa joăt joe ‘lơ̆ng rŏ sơ̆ ki. Vang yak hơdoi hăm jơ ‘năr git kăl ou, ƀok thây kô păng hŏk tro hnam trương Jăl ƀar Nguyễn Văn Cừ (Pơlei tơm Buôn Ma Thuột, dêh char Dak Lăk) hlôi pơgơ̆r lơ tơdrong hơ iă nhen pơlong băt hlôh chăl Hùng Vương, tơroi dơ̆ng tơdrong tơroi kră sơ̆, vang chă pơchơt pơhiơ̆ sơ̆ ki ... Đơ̆ng pi, rim đe oh ưh khan lăp băt chăl sơnăm sơ̆ ki, mă oei tơgoăt kơjăp jơhngơ̆m đon tơgoăt tơgoăl păng iung jang tơnăp hăm pơlei pơla, Teh đak.

VOV4.Bahnar - Pơgê 4/4, tơ̆ Anih tang măt ăn teh đak Lào tơ̆ plt HCM, Phó Bí thư chĕp kơ̆l Đảng plt HCM Nguyễn Thanh Nghị chĕp kơ̆l Khul tang măt truh hơpong ƀok Khamtay Siphandone.

VOV4.Bahnar - Kơsơ̆ 3/4, Phŏ Kơdră Quốc hội Nguyễn Đức Hải păng Khul jang đei jơ bơ̆ jang hăm dêh char Lâm Đồng păng Anih tơchĕng hơlen hat nhân găh jang kiơ̆ tơdrong Tơchơ̆t 57 đơ̆ng Anih tơm Chinh trĭ, Tơdrong tơchơ̆t 193 đơ̆ng Quốc hội găh jang pơlong năng 1,2 trong chĕp kơ̆l pơgơ̆r, tơdrong tơgŭm gĭt kăl vă pơjing hơyak tŏk pran ăn khoa hok, kơmăy kơmŏk.

VOV4.Bahnar - Lơ̆m ‘măng năm ngôi tơ̆ teh đak Armenia, ‘năr 3/4, Kơdră Quốc hội Trần Thanh Mẫn hlôi pơma nuh hăm Kơdră tơm teh đak Armenia Vahagn Khachaturyan.