VOV4.Bahnar – Kơsơ̆ năr 25/3, Thủ tướng teh đak bơ̆n Phạm Minh Chính pơgơ̆r 'măng hop akŏm Jơnŭm pơgơ̆r teh đak, mơ̆ng Anih tơm Pơtho Pơhrăm păng Anih tơm jang Pơgang Hơmet jĭ jăn tơroi gah dôm tơdrong pơkăp jang kăp gĭt vă pơtruh ăn Anih tơm Chĭn trĭ. Tơ̆ 'măng hop akŏm, Thủ tướng Phạm Minh Chính pơgơ̆r athei pơtho nơ̆r Anh lơ̆m tơchơ̆t pơtho pơhrăm jăl kơđeh păng jăl phôh thŏng.

VOV4.Bahnar - Lơ̆m khei Hơdruh tơdăm sơnăm ou, dôm jăl jang đoan lơ̆m dêh char Đăk Lăk tơlĕch lơ tơdrong jang hăt hot, kiơ̆ đơ̆ng noh hơvơn hơdruh tơdăm vang jang, tơgop jơhngơ̆m lơ̆m dôm tơdrong jang hơdah.

VOV4.Bahnar – Pơgê năr 25/3, Ƀok Tổng Bí thư Tô Lâm hlôi pơgơ̆r 'măng hop akŏm mă 4 Jơnŭm asong bơngai jang vă hơlen lăng minh ƀar tơdrong đei tơplih, hơmet chih akŏm Pơkăp asong bơngai jang ăn Hop akŏm mă 14 kơ Đảng.

VOV4.Bahnar – Pơgê năr 25/3, tơ̆ Hnam Kuôk hô̆i pơtơm Hop akŏm bơngai jang tang măt ăn Kuôk hô̆i juăt jang 'măng mă 7 vă pơma đam gah dôm tơdrong chih akŏm luơ̆t pơtruh ăn Kuôk hô̆i hơlen lăng lơ̆m 'măng hop akŏm mă 9.

VOV4.Bahnar - Tơ̆ Dak Lăk, đơ̆ng rŏng hloh 20 năr tơlĕch jang, Kŏng ang dêh char hlôi sơng iŏk păng xek tơlang hloh 1.500 hla bơar ƀơk ‘nao păng tơplih ƀăng vơ̆r gre ăn kon pơlei.

VOV4.Bahnar - Năr 24/3, tơ̆ Hà Nội, Thủ tướng Phạm Minh Chính pơm tơm Hop akom “Sơđơ̆ng dơ̆ng kơjăp tơgŭm ăn atŏk tơ iung mŭk drăm-tơpôl tơring Tây Bắc păng tơring tơjê̆".

VOV4.Bahnar - Sơng iŏk nơ̆r krao hơvơn đơ̆ng Thủ tướng Teh đak Việt Nam Phạm Minh Chính hăm hơkăn ƀok, Thủ tướng Singapore Lawrence Wong atŭm hăm hơkăn ƀok iung năm tơmang Việt Nam đơ̆ng năr 25 - 26/3. 

VOV4. Bahnar - Kiơ̆ yok tơdrong joăt joe kĕch mang, hơdruh tơdăm dêh char Gia Lai tok bŏk iung jang hơbĕch hơbal, tơchăr hơ iă tơgop jơhngơ̆m mơlôh tơ iung pơjing păng atok tơ iung tơring tơrang. Lơ đoàn viên hơdruh tơdăm Gia Lai hlôi jing dôm bơngai hơdăh ang rang ‘lơ̆ng rim tơdrong jang.

VOV4.Bahnar - Kơsơ̆ 24/3, tơ̆ Anih bơ̆jang Kơdră teh đak, ƀok Kơdră teh đak Lương Cường hlôi sơng ƀok Kamran Bayram Aliyev, Kơdră Anih dăr hơlen Gĭt kăl Azerbaijan, tŏk bŏk đei ‘măng năm ngôi păng bơ̆jang tơ̆ Việt Nam.

VOV4.Bahnar - Lơ̆m ƀai chih "Pơgơ̆r ‘lơ̆ng Hop akŏm Đảng ƀô̆ jơ̆p tơring jăl jang đơ̆ng 2025-2030", Tổng Bí thư Tô Lâm pơma hơdăh đon tơchĕng: Tơdrong rơih hơmet bơngai jang ưh lăp ăn 1 ‘măng hop akŏm đĕch; mă oei hơtăih hlŏh dơ̆ng, ‘nŏh jĭ hơmet ăn tơdrong jang tŏk ning mônh kơnh kơ Anih jang đảng, tơdrong jang tŏk tơ̆ rim anih jang, tơring tơrang; xă hlŏh dơ̆ng ‘nŏh jĭ tơdrong arih kơ Đảng, tơdrong chĕp kơ̆l pơgơ̆r đơ̆ng chăl bơ̆n păng tơdrong jang tŏk kơ teh đak, kơ hơdrĕch hơdrung. Tổng Bí thư Tô Lâm tơtă athei hơtŏk hơnăp jang đơ̆ng bơngai chĕp kơ̆l mưh chă rơih hơmet bơngai jang. Athei rơih đei bơngai kăn ƀô̆ rơgei, đei jơhngâm đon ‘lơ̆ng; kĕ yak hlŏh rim tơdrong nol lơ̆m chăl hrei ‘nâu; chơng hơnhăk teh đak mât lơ̆m chăl jang tŏk, pơdrŏng, pran kơ tang.