VOV4.Bahnar - Lăp đơ̆ng rŏng Kuô̆k hô̆i pơdrơ̆ng kiơ̆ Tơdrong tơchơ̆t găh Hơmet ming, tơmơ̆t dơ̆ng mĭnh ƀar apăng kơ Khôi luơ̆t tơm Teh đak sơnăm 2013, kơsơ̆ năr 5/5, tơ̆ Hnam Kuô̆k hô̆i, Kơdră chĕp pơgơ̆r Kuô̆k hô̆i Trần Thanh Mẫn hlôi pơm tơm ‘măng hop akŏm mă blŭng, Hơnih bơ̆ jang hơmet ming, tơmơ̆t dơ̆ng mĭnh ƀar apăng kơ Khôi luơ̆t tơm Teh đak sơnăm 2013.

VOV4.Bahnar - Pơgê (5/5), tơ̆ Anih bơ̆jang Kơdră teh đak, Ƀok Kơdră teh đak Lương Cường hlôi pơgơ̆r pơm lêh sơng Kơdră tơm teh đak Sri Lanka Anura Kumara Dissanayaka năm ngôi, bơ̆jang tơ̆ Việt Nam.

VOV4.Bahnar - Đơ̆ng đei nơ̆r tơroi găh tơdrong tơmât hơdai dêh char Đắk Lắk hăm Phú Yên, tơchĕng adrol pơgơ̆r adrol kơ ‘năr 1/7, păng Anih jang ‘nao đei pơm tơ̆ plt Buôn Ma Thuột, lơ năr âu ki, tơdrong tĕch mơdro teh, hnam oei tơ̆ tơring âu đei ƀôh tŏk pran. Yă teh tŏk hrĕnh, tơdrong tĕch mơdro hnam, tĕh tŏk kiơ̆, kŭm hăm ‘nŏh jĭ tơdrong pơm hơmet hla ar teh đơ̆ng kon pơlei tŏk, jing đei tơdrong hrăt hrot bơngai năm pơm hla ar tơ̆ 1,2 anih jang.  

VOV4.Bahnar - Kiơ̆ đơ̆ng Hơnih tơm jang Jên hu, đơng blung sơnăm ou, Việt Nam đei hloh 42.700 tơdrong vă jang FDI oei jang kiơ, hăm akŏp kon jên apinh tơmơ̆t jang hloh 510 ti USD. Tơdrong tơmơ̆t jên jang tơ̆ Việt Nam hlôi hơnơ̆ng đei hơmet pơ ‘lơ̆ng ‘moi kiơ̆ hơmet ming pơ ‘lơ̆ng trong bơ̆ jang, pơm pơkeh khôi luơ̆t, pơm hơtŏk trong hnam ‘lơ̆ng păng pơm hơtŏk bơ̆ jang hơgei. Gơnơm kơ ‘noh, Việt Nam hlôi jing hơnih truh hơ iă kơ rim grŭp jang tih kơ teh đak đe.

VOV4.Bahnar - Sơng iŏk nŏr krao hơvơn đơ̆ng Ƀok Kơdră tơm Cộng hòa Kazakhstan Kassym-Jormat Tokayev, năr brei (5/5), Tổng Bí thư Tô Lâm hăm Hơkăn ƀok atŭm hăm Khul kơdră kơpal tang măt teh đak bơ̆n hlôi lĕch đơ̆ng Cham gre păr Apŭng plĕnh teh Nội Bài iung năm tơmang teh đak Cộng hòa Kazakhstan.

VOV4.Bahnar - Lơ̆m pơyan phang, lpơ hơgăt teh bri tơ̆ dêh char Gia Lai hlôi đei vei lăng sơđơ̆ng tơ̆ hơnăp hơmơt ŭnh sa kơtang.

VOV4.Bahnar - Ƀlep ƀât lêh 30/4 păng 1/5 âu, Đà Lạt – Lâm Đồng hơnơ̆ng sơng đei kơhrĕng rơbâu ‘nu tơmoi chă tơmang lăng, lơ̆m noh đei lơ bơngai đơ̆ng teh đak đe, tŏk 75% pơting hăm khei âu sơnăm sơ̆.

VOV4.Bahnar – Pơgê hei (5/5), Hop akŏm mă 9, Quốc hội jăl 15 pơtơm pơih pơgơ̆r tơ̆ Hnam Quốc hội, Hà Nội.

VOV4.Bahnar – Kơsơ̆ brei 04/5 tơ̆ Anih jang kơ Trung ương Đảng, Tổng Bí thư Tô Lâm sơng Kơdră tơm teh đak Sri Lanka Anura Kumara Dissanayaka – Kơdră chĕp kơ̆l Đảng Mặt trận Tơblăh iŏk rơngei kon pơlei Sri Lanka (JVP), ƀlep ƀât năm ngôi tơ̆ teh đak Việt Nam păng vang truh akŏm lêh tih Phật đản Liên hợp quốc (Vesak).

VOV4.Bahnar - Hơtŏk tơiung bơngai jang đei Đắk Lắk băt hơdăh jĭ 1 lơ̆m pêng tơdrong jang gĭt kăl, vei hơnăp jang tơm lơ̆m kơplăh hơtŏk tơiung mŭk drăm - tơpôl. Dôm sơnăm âu ki, dêh char hlôi hơdrin pơm hơdăh ‘lơ̆ng dôm trong jang đơ̆ng Đảng păng teh đak vă bơ̆jang kiơ̆ tơdrong ‘nâu. Mă lei, truh dang ei, pơtôch iŏk đei oei tam mă nhen hơmĕng, tơdrong ‘nâu tơlĕch ăn lơ tơdrong kăl hơnơ̆ng đei bơngơ̆t truh, hơmet pơ ‘lơ̆ng.