VOV4.Bahnar - Anih tơm Chinh trĭ tơchơ̆t bơ̆ jang kiơ̆ trong ưh đei iŏk jên hŏk ăn đĭ đăng hŏk tro đơ̆ng lăm mâu yăo truh đĭ lăm 12 tơ̆ hnam trơng teh đak pơjing lơ̆m teh đak. Khei ‘năr pơm kiơ̆ iŏk đơ̆ng blŭng sơnăm hŏk ‘nao 2025-2026 (vă akhan đơ̆ng khei 9 sơnăm 2025 năm tơ̆ hơnăp kơnh). Lơ mĕ ƀă tơƀôh đon hơiă hăm tơdrong tơgŭm ‘nao âu, yoa sư tơgop pơm tơjur ƀiơ̆ jên hŏk pơhrăm ăn kon hơ ‘lơ̆ng kơdih, mă loi ‘nŏh hăm dôm unh hnam tơ̆ tơring tơrang, tơring groi kông, tơdrong arih xa tơpôl oei pơmat tat.

VOV4.Bahnar - Pơgê năr 3/3, Hơnih bơ̆ jang Tơdrong jang, trong jang kăl Trung ương pơgơ̆r Hop akŏm tơlĕch jang Tơdrong tơchơ̆t đơ̆ng Hơnih tơm Chinh trĭ, Ban Bí thư găh bơ̆ jang kang ƀô̆.

VOV4.Bahnar - Jĭ tơring đei 75% kon pơlei ‘noh kon pơlei kon kông, atŭm hăm tơdrong tơ iung pơjing, atok tơ iung đảng viên, hơmet pơ ‘lơ̆ng khul jang chinh trĭ roi năr roi pran kơjăp iăp kơtang, dôm sơnăm ou ki, Đảng bộ tơring Đinh Trang Thượng, apŭng Di Linh, dêh char Lâm Đồng hlôi yak hơdoi hăm kon pơlei lơ̆m atŏk tơ iung mŭk drăm păng hơrih sa. Hơdrol vă pơgơ̆r Hop akoưm tih kơ Đảng rim hơnih yak truh Hop akom tih lơ̆m teh đak ‘măng mă XIV kơ Đảng, dôm đang viên tơ̆ ou hơnơ̆ng atŏk kơtang vei kơjăp hơnăp jang pơm jŭk yŭk trong hơlou, hơdrin jang keh đang rim trong tơlĕch jang mŭk drăm-tơpôl, tơ iung pơjing pơlei pơla phĭ tơtŏ dơnŏ ‘lơ̆ng, dơ̆ng kơjăp.

VOV4.Bahnar - Lăng truh tơbăt 50 sơnăm năr rơngei Tơring Pơbăh, Teh đak rơngei keh kong, kơsơ̆ brei (3/3), Học viện Chính trị - Bộ Quốc Phòng jang hơdoi hăm Hơnih vei lăng kon pơlei dêh char Dak Nông pơgơ̆r Hop akom Khoa hŏk “Jơnei rơngei Đức Lập - Mĭnh prăt anglŏ sơnăm lăng dơ̆ng” hăm vang năm đơ̆ng lơ bơngai joăt jang, bơngai khoa hŏk chăl sơnăm, rim bơngai ƀôh kang bang kơ̆l lơ̆m chăl sơnăm ‘noh sơ̆.

VOV4.Bahnar - Phó Thủ tướng Nguyễn Hoà Bình ‘nao đei jơ bơ̆ jang hăm Grŭp jang Kơmăy sir iŏk Tơmo ngar păng tơmam kăp gĭt Việt Nam, tơ̆ Hnam Kơmăy Alumin Nhân Cơ, apŭng Đắk R’lấp, dêh char Đắk Nông.

VOV4.Bahnar - Yak hlŏh 50 sơnăm pơjing đei 1 teh đak kơjăp ‘lơ̆ng, Tơring kăn kư̆ kơ dêh char Đắk Lắk sơ̆ (dang ei găh apŭng Krông Bông, dêh char Đắk Lắk oei chĕp vei kơjăp dôm tơdrong ‘lơ̆ng hơiă lơ̆m chăl iung tơblăh kơtang nuih mơng sơ̆. Đơ̆ng sơnăm 1965-1975, tơ̆ âu pơgơ̆r đei lơ tơdrong tôch gĭt kăl đơ̆ng Đảng bộ dêh char Đắk Lắk, jĭ anih chĕp kơ̆l pơgơ̆r, anih mong akŏm tơdrong tơgŭm đơ̆ng rim bơngai ăn kơdrăn tơblăh tơ̆ tơring Pơbăh, pơih trong ăn tơdrong tơblăh jơnei Buôn Ma Thuột (10/3), tơgop ‘lơ̆ng ăn tơdrong tơblăh jơnei tih Pơyan Puih mak 1975, pơjing đei 1 teh đak kơjăp ‘lơ̆ng.

VOV4.Bahnar – Kơsơ̆ năr 2/3, Thủ tướng Phạm Minh Chính pơgơ̆r tơdrong Pơma đam hăm dôm anih jang mŭk drăm Châu Âu.

VOV4.Bahnar – Pơgê 28/2, tơ̆ Anih chĕp kơ̆l pơgơ̆r khul linh dêh char Đắk Lắk tơ̆ plt Buôn Ma Thuột pơm lêh năm pơtâp pơhrăm sơnăm 2025 păng tơlĕch tơdrong pơjei băl lơ̆m khei “Pơtâp mă hrĕnh – khŏm iŏk jơnei”.

VOV4.Bahnar – Kơsơ̆ brei (28/2), Anih chĕp kơ̆l Đảng dêh char Lâm Đồng pơgơ̆r Hop akŏm roi tơbăt tơdrong tơchơ̆t găh kăn ƀô̆.

VOV4.Bahnar – Lơ̆m ‘măng năm ngôi tơ̆ teh đak Việt Nam, ‘năr 28/2, tơ̆ plt HCM, Thủ tướng New Zealand Christopher Luxon đei jơ pơma nuh hăm Kơdră vei lăng kon pơlei plt Nguyễn Văn Được.