VOV4.Bahnar - Sơng iŏk nơ̆r krao hơvơn đơ̆ngKơdră Quốc hội Trần Thanh Mẫn, Kơdră Quốc hội teh đak Cuba Ét-tê-ban La-zô Héc-nan-đét đei ‘măng năm tơmang lăng tơ̆ Việt Nam đơ̆ng ‘năr 2-3/11.

VOV4.Bahnar – Vă pơgơ̆r hop akŏm ăn rim anih jang mŭk drăm păng anih asong jang atŭm chă tơroi dih băl tơdrong hlôh vao lơ̆m pơm jang, pơjing tơdrong tơguăt kơjăp vă hơtŏk choh jang xa Tây Nguyên hơtŏk kiơ̆ trong jang gơh hơgei, yơ̆ng âu ki, Anih tơm Choh jang xa păng Hơtŏk Tơring tơrang hlôi pơgơ̆r Hop akŏm Asong jang gah choh jang xa, tơring tơrang ‘nao tơ̆ Tây Nguyên. Hop akŏm đei pơgơ̆r kiơ̆ pơkăp kơtă tơguăt hăm trư̆k tuyê̆n đơ̆ng anih jang tơm kơ Anih tơm Choh jang xa păng Hơtŏk Tơring tơrang pơdah hơdoi hăm pơlei tơm Pleiku, dêh char Gia Lai.

VOV4.Bahnar – Kơtơ̆ng ang lơ̆m tơring Ving chih tơbang hơdah gah ‘măng mă ƀok Thủ tướng teh đak bơ̆n Phạm Minh Chính năm tơmang truh dôm teh đak Tơring Ả-rập Hơkŏp minh, Saudi Arabia păng Qatar.

VOV4.Bahnar - Ưh kơmăh thây kô pơtho păng ƀak si tơ̆ dêh char Đắk Nông đei hơnơ̆ng lơ sơnăm ‘nâu, ƀơm ưh ‘lơ̆ng truh tơdrong pơtho pơhrăm păng khăm hơmet jĭ tơ̆ tơring. 

VOV4.Bahnar - Đơ̆ng blŭng sơnăm 2024 truh dang ei, tơdrong yoch hơlĕnh pơdăr lơ̆m mang tơ̆ dêh char Đắk Lắk đei tôch kơ krê. Dôm bơngai pơm yoch iŏk yoa mang tơpôl mă ưh ‘nŏh hơlĕnh pơm kăn ƀô̆ bơ̆ jang luơ̆t vă tơgar iŏk jên đe. Anih jang kơpal oei hơtŏk dôm trong jang vă găn pơđĭ, roi tơbăt ăn kon pơlei hơtŏk đon kơchăng tơ̆ hơnăp dôm tơdrong hơlĕnh pơdăr vă vei lăng ‘lơ̆ng tơdrong sơđơ̆ng lơ̆m tơpôl.

VOV4.Bahnar - Pơgê ‘năr 1/11, Anih chĕp kơ̆l Đảng, Khul tang măt Quốc hội, Jơnŭm pơgơ̆r kon pơlei, Anih vei lăng kon pơlei, Anih Mặt trận Tổ quốc dêh char Hà Giang pơm lêh pơdong, ƀŭ kơting linh lôch tang teh đak lơ̆m tơdrong tơblăh vei lăng tơring sơlam tơ̆ găh Tu kơ teh đak tơ̆ Pơsat linh teh đak Vị Xuyên.

VOV4.Bahnar - Tơ̆ Hơnih bơ̆ jang Khul kơdră Teh đak, Kơ iĕng Thủ tướng Trần Hồng Hà hlôi sơng pơma dơnuh hăm Kơdră tang măt Mi tơ̆ Việt Nam Marc Knapper.  

VOV4.Bahnar - Pơgê năr 1/11 (kiơ̆ jơ tơ̆ tơring) lăp đơ̆ng rŏng năm tơmang Hơnih jang kmăi kmŏk pơm tơlĕch tơmam drăm Ras Laffan, Thủ tướng Teh đak Phạm Minh Chính hăm hơkăn păng khul tang măt kơdră kơpal Việt Nam hlôi tŏk hao gre păr lĕch veh đơ̆ng teh đak Qatar pơtôch ‘lơ̆ng liĕm ‘măng năm tơmang pêng teh đak Trung Đông.

VOV4.Bahnar – Kơsơ̆ ‘năr brei (31/10) tơ̆ Hà Nội, Giáo sư, Tiến sỹ Tô Lâm, Tổng Bí thư Ƀan châ̆p hanh Trung ương Đảng Cộng sản Việt Nam hlôi truh akŏm păng pơma dơnuh gah “Jơhnơr hơrih ‘nao, jơhnơr hơrih hơtŏk tơ-iung kơ hơdrung hơdrĕch” hăm lơ bơngai hŏk lăm pơhrăm gah tơdrong kăp gĭt hăm đe kang ƀô̆ pơkăp pơm jang lơ̆m Trung ương Đảng jăl 14 (Lăm mă 3).

VOV4.Bahnar – Dêh char Lâm Đồng dang ei đei hloh 100 tŏ gơng ưh kơjăp, hli hlơt kăl đei ming hơmet, sơđơ̆ng ăn kơ kon pơlei vih vơ̆t lơ̆m pơyan ‘mi kial.