VOV4.Bahnar - Pơgê năr 9/12, Jơnŭm vei lăng kon pơlei kơ Pơlei tơm Hà Nội jăl XVI hlôi pơgơ̆r blŭng a ‘Măng hop akom mă 20.

VOV4.Bahnar - Pơgê brei (9/12), tơ̆ Hà Nội, Tổng Bí thư Tô Lâm làm bơ̆ jang hăm Hơnih bơ̆ jang Mŭk drăm Trung ương găh pơtôch jang kiơ̆ tơdrong jang đơ̆ng blŭng jăl jang ‘măng Hop akŏm Tih 13 kơ Đảng truh dang ei.

VOV4.Bahnar - Lơ̆m ƀar năr (9-10/12), tơ̆ pơlei tơm Buôn Ma Thuột, dêh char Dak Lăk, Radiô Nơ̆r Pơma Việt nam iung jang hơdoi hăm Hơnih tơm atŏk tơ iung rapor pơdăh tivi Châu Á - Thái Bình Dương (AIBD) pơgơ̆r lăm hŏk pơhrăm tơdrong jang “Trong jang ‘lơ̆ng chih kơtơ̆ng ang kăl” ‘măn ăn rim bơngai jang chih kơtơ̆ng ang păng bơngai jang chih hơmet rim Radiô rapor-pơdăh Tivi tơring Tây Nguyên.

VOV4.Bahnar – Kơmăng năr 9/12, tơ̆ anih jang kơ Jơnŭm pơgơ̆r teh đak, Thủ tướng teh đak bơ̆n Phạm Minh Chính hlôi sơng, pơm jang hăm Khul kơdră kơpal kơ 18 anih jang mŭk drăm kơ kơtŏng Nghiêm, teh đak Trung Quốc tŏk bŏk oei tơmang, chă hơlen trong hiôk vă jang hơdoi păng asong jang tơ̆ Việt Nam.

VOV4.Bahnar – Năr 9/12, Phŏ Thủ tướng Trần Hồng Hà hlôi pơgơ̆r tơdrong hop akŏm hăm dôm Anih jang tơm, atŭm hăm pơlei tơm Hồ Chí Minh, dêh char Long An, Tiền Giang gah tơdrong chă hơlen asong ming man pơih să jăl trong tih kơdâu renh pơlei tơm Hồ Chí Minh - Trung Lương - Mỹ Thuận.

VOV4.Bahnar – Kơsơ̆ năr 9/12, Khul jang tang măt ăn Kuôk hô̆i dêh char Đăk Lăk pơgơ̆r akŏm pơma dơnuh hăm kon pơlei tah hla đơ̆ng rŏng kơ 'măng hop akŏm mă 8. Hop akŏm đei pơgơ̆r akŏm tơ̆ pơlei tơm Buôn Ma Thuột păng chô̆ trư̆k tuyê̆n truh dôm apŭng: Krông Pắc, Krông Búk, Cư M’gar, Krông Năng, Ea Súp păng Buôn Đôn.

VOV4.Bahnar – Pơgê năr 9/12, tơ̆ anih jang Jơnŭm pơgơ̆r teh đak, Thủ tướng teh đak bơ̆n Phạm Minh Chính pơgơ̆r 'Măng hop akŏm mă 10 kơ Jơnŭm pơgơ̆r Pơlong – Pôk hơpah Trung ương.

VOV4.Bahnar – Kơdră teh đak bơ̆n Lương Cường hlôi tơchơ̆t pôk Mê đai Vei lăng teh đak Tăl Pêng ăn 12 'nu linh lơ̆m Anih linh Kuân khu 7, hlôi lôch tang lơ̆m kơplah oei pơtơ̆p pơhrăm gah trong vei lăng teh đak.

VOV4.Bahnar – Dêh char Gia Lai pơkăp khŏm mă hơmet jơnŭm jang bot 'lơ̆ng, pơm jang gơh hơgei tơnăp kiơ̆ pơgơ̆r đơ̆ng Trung ương.

VOV4.Bahnar - Anih jang vei lăng kon pơlei pơlei tơm Đà Lạt (dêh char Lâm Đồng) 'nao pơtơm akŏm “Kơchơ 'nhot - pơkao Đà Lạt akŏm đei tơdrong chrih chrai đơ̆ng teh 'lơ̆ng” sơnăm 2024.