VOV4.Bahnar - Lơ̆m ‘măng năm tơmang teh đak Campuchia, tơ̆ Hơnih tơm PhnomPenh, Kơdră chĕp pơgơ̆r Kuô̆k hô̆i Trần Thanh Mẫn hăm Kơdră chĕp pơgơ̆r Kuô̆k hô̆i Campuchia Khuon Sudary hlôi pơm tơm pơm lêh Et hơtŏk păng pơjao pôk ăn hơnih ming man hnam bơ̆ jang Kuôk hô̆i Campuchia.

VOV4.Bahnar - Gơmăng 22-11, Đảng bộ, khŭl kơdră păng Kon pơlei dôm hơdrĕch hơdrŭng dêh char Đắk Lắk hlôi pơgơ̆r tih Lêh tơbăt 120 sơnăm Năr pơjing dêh char. Phŏ Thủ tướng Nguyễn Hòa Bình vang truh akŏm păng iung pơma tơ̆ jơ pơm lêh.

VOV4.Bahnar – Lơ̆m pơkăp năm tơmang truh teh đak Malaysia, kơsơ̆ năr 21/11, ƀok Tổng Bí thư Tô Lâm păng Thủ tướng Malaysia Anwar Ibrahim atŭm pơgơ̆r tơdrong hop akŏm tơroi gah tơdrong đei jơnei đơ̆ng pơma đam. Tơ̆ 'măng hop akŏm hla bar tơroi, Ƀok Tổng Bí thư Tô Lâm păng Thủ tướng Malaysia ăn tơbăt, 2 teh đak hlôi tơchơ̆t hơtŏk jang tơbôl Việt Nam - Malaysia jing Teh đak jang hadoi tôm tơdrong jang.

VOV4.Bahnar - Pơgê 22/11, Thủ tướng Phạm Minh Chính păng hơkăn ƀok kŭm hăm khul tang măt ăn Việt Nam, pơtôch ‘lơ̆ng hơiă ‘măng năm Hop akŏm tih G20 păng năm tơmang lăng tơ̆ teh đak Dominicana.

VOV4.Bahnar - Năr 21/11, Kơdră chĕp pơgơ̆r Kuô̆k hô̆i Trần Thanh Mẫn iung năm tơmang teh đak Campuchia, vang năm Hop akŏm ‘măng mă 12 kơ Hop akŏm apŭng plĕnh teh rim đang, chinh trĭ châu Á păng ‘Măng hop akŏm tơpôl ‘măng mă 11 kơ Nghị viện Apŭng plĕnh teh kơ yuơ ‘Mêm mơnat păng Rơngei hiôk hian.

VOV4.Bahnar - Đơ̆ng rŏng kơ lêh sơng đei pơgơ̆r tih tơ̆ Anih jang kơ Thủ tướng Malaysia tơ̆ Kuala Lumpur, Tổng Bí thư Tô Lâm hlôi pơma đam hăm Thủ tướng Malaysia.

VOV4.Bahnar – Tơ̆ xah Kon Pne, apŭng Kbang, dêh char Gia Lai, ah tong hơnê̆ tơring bri kông hơtaih yaih, lơ bơngai pơtho tŏk bŏk oei jang "pơtho chư" hăm tơdrong dăp đon dăp bơnôh po. Tơring hơtaih yaih, đe sư adoi oei tơguăt hăm hnam trưng, hăm pơlei pơla vă ‘nhăk tơdrong hlôh vao ang hơdah truh hăm đe hŏk tro hin dơnuh.

VOV4.Bahnar - Ƀlep ƀơ̆t tơbăt 42 sơnăm năr Thây kô pơtho Việt Nam, drơ̆m kơsơ̆ brei (20/11), tơ̆ Hnam Quốc hội, Kơdră Quốc hội Trần Thanh Mẫn tơƀơ̆p muh măt Bơngai tang măt Quốc hội ‘noh thây kô pơtho, sơ̆ ‘noh kang ƀô̆ vei lăng găh pơtho pơhrăm.

VOV4.Bahnar - Kơsơ̆ brei (20/11), tơ̆ Anih jang Kơdră teh đak, ƀok Kơdră teh đak Lương Cường hlôi đei jơ xơng Kơdră Quốc hội Armenia Alen Simonyan lơ̆m jơ năr năm ngôi, bơ̆jang tơ̆ Việt Nam.

VOV4.Bahnar - Pơgê năr ou (21/11), Tổng Bí thư Tô Lâm hăm Hơkăn ƀok atum hăm Khul kơdră kơpal Việt Nam năm tơmang teh đak Malaysia kiơ̆ nơ̆r krao hơvơn đơ̆ng Thủ tướng Malaysia Anwar Ibrahim hăm hơkăn ƀok.