VOV4.Bahnar – Đei lơ Khul tơmoi lơ̆m apŭng plenh teh truh hơpong Tổng Bí thư Nguyễn Phú Trọng.

VOV4.Bahnar - Thủ tướng Phạm Minh Chính hlôi sơng Bơngai pơma tơgŭm tơdrong sơđơ̆ng teh đak Ấn Độ Ajit Doval ƀlep ƀơ̆t ƀok năm vang pơm lêh hơpong pơdong Tổng Bí thư Nguyễn Phú Trọng. 

VOV4.Bahnar - Iŏk đei tơroi Tổng Bí thư Nguyễn Phú Trọng lôch hơchăng, Tổng Thư ký Liên hợp quốc Antonio Guterres hlôi truh hơpong Tổng Bí thư tơ̆ Khŭl tang măt ăn Việt Nam tơ̆ Liên hợp quốc tơ̆ New York.

VOV4.Bahnar - Pơgê (25/7), tơ̆ Hnam hôp Thống Nhất pơlei tơm HCM pơgơ̆r Lêh hơpong, pơdong Tổng Bí thư Khul kơdră chĕp kơ̆l Trung ương Đảng Cộng sản Việt Nam Nguyễn Phú Trọng.

VOV4.Bahnar – Kơdră chĕp kơ̆l dôm teh đak tơƀôh jơhngâm đon ơh sơ ‘ngon tôch ai hăm tơdrong lôch răm đơ̆ng Tổng Bí thư Nguyễn Phú Trọng, pơtruh nơ̆r jet gia, pơma nuh păng nơ̆r sơ ‘ngon hlŏh hăm Kơdră teh đak Tô Lâm, Kơdră chĕp kơ̆l Đảng, Teh đak păng kon pơlei Việt Nam.

VOV4.Bahnar- “Jang tơbôl ‘long kram” ‘nŏh jĭ nơ̆r pơma truh dôm trong jang lơ̆m dôm sơnăm tơjê̆ âu mưh bou truh trong jang tơbôl đơ̆ng Việt Nam. Nơ̆r pơma ‘nâu ưh kơ sĭ 1 trong jang tơbôl ‘nao kiơ mă ‘nâu jĭ tơdrong đei chih akŏm, ‘moi kiơ̆ đon tơchĕng đơ̆ng Ƀok Hồ, tơƀôh hơdăh trong jang tơbôl mă Đảng bơ̆n hlôi bơ̆ jang lơ̆m dôm jĭt sơnăm âu ki. Lơ̆m noh, Tổng Bí thư Nguyễn Phú Trọng tơlĕch nơ̆r athei “jang tơbôl Việt Nam athei hơbĕch hơbal, kơchăng, gơ̆h hơgei păng rơmuăn ƀiơ̆ vă pơyoa ăn tơdrong jang tŏk mŭk drăm păng hơtŏk anih dơ̆ng ăn teh đak”.

VOV4.Bahnar - Hăm hơrih sot 80 sơnăm, 57 sơnăm jang Đảng, 18 sơnăm hơnơ̆ng iŏk jang kơdră chĕp pơgơ̆r tơm dơnơm kơ Đảng, Teh đak, Tổng bí thư Nguyễn Phú Trọng hlôi tơgop tih tên gĭt kăl hăm tơdrong bơ̆ jang kơ Đảng păng kơ hơdrĕch hơdrung bơ̆n. Đei tih vơ̆ djơ̆ lơ̆m chăl hơrih kech mang, hăm măt lăng kloh klĕch, đon tơchĕng gơ̆h hơgei, tơgoăt kơjăp ƀar păh hơlen sele hăm hơlen ƀôh yan ou, Tổng Bí thư Nguyễn Phú Trọng hlôi tơgoăt iŏk ‘lơ̆ng jơhngơ̆m đon, trong bơ̆ jang păng tơdrong jang kĕch mang kơ Ƀok Hô, tơ iung pơjing teh đak bơ̆n “tim lăh đei dih dơ̆ng, tơdrong đei, lui yom păng hơnih dơ̆ng lơ̆m apŭng plĕnh teh nhen hrei ou”.

VOV4.Bahnar - Kơsơ̆ năr 24/7, tơ̆ Hnam Kuô̆k hô̆i, Kơdră chĕp pơgơ̆r Kuô̆k hô̆i Trần Thanh Mẫn sơng pơma dơnuh hăm Kơdră chĕp pơgơ̆r Thượng viện Australia Sue Lines ƀlep lơ̆m jơ ‘năr vang năm Pơm lêh Teh đak pơdong Tổng bí thư Nguyễn Phú Trọng.

VOV4. Bahnar - Pơdong groong ƀŭ Tổng Bí thư Nguyễn Phú Trọng đei pơgơ̆r kiơ̆ trong Teh đak pơdong groong ƀŭ.

VOV4.Bahnar – Dôm năr kơ âu, kon pơlei jơ̆p teh đak akŏm jơhngơ̆m tơrĕk truh anih tơm Hà Nội, ơh sơ-‘ngon, ‘mêm băt hăm dôm tơdrong hiong tih tên kơ teh đak, kơ kon pơlei, hăm tơdrong mă Ƀok Tổng Bí thư Nguyễn Phú Trọng lôch hiong.