VOV4.Bahnar - Rim răih kon pơlei, ƀô̆ đô̆i, kŏng ang lơ̆m teh đak vang ơh sơ-‘ngon kơ nhap ƀok Tổng Bí thư Nguyễn Phú Trọng. 

VOV4.Bahnar - Tổng Bí thư Nguyễn Phú Trọng arih đĭ jơhnơr yoa teh đak, yoa kon pơlei  hăm 80 sơnăm arih, vă jê̆ 57sơnăm jang Đảng, 14 sơnăm pơm Tổng Bí thư, hlŏh 2 năm pơm Kơdră teh đak, loi 5 sơnăm pơm Kơdră Quốc hội. Mă jang kiơ, ƀok Nguyễn Phú Trọng hơnơ̆ng tơtăm, đĭ jơhngâm hăm tơdrong jang kăch mang đơ̆ng Đảng păng hơdrĕch hơdrung, kŭm hăm Trung ương Đảng, Khul kơdră teh đak chĕp kơ̆l pơgơ̆r đĭ đăng Đảng, đĭ đăng kon pơlei, đĭ đăng khul linh bơ̆n jang đei lơ tơdrong jơnei tih tên, kăp gĭt lơ̆m jơhnơr arih. Dôm nơ̆r pơma ‘lơ̆ng hơiă đơ̆ng Tổng Bí thư Nguyễn Phú Trọng kiơ̆ chăl sơnăm, kiơ̆ tơdrong oei jang đei hyup iŏk, păr ang truh kơ triu kơ triu plei nuih kon pơlei Việt Nam:

VOV4.Bahnar - Um ai Tổng Bí thư Nguyễn Phú Trọng hăm muh măt hơ-‘nhưp, phăl hơlăng pơm hơ iă lơ̆m jơhngơ̆m đon dôm bơngai kang ƀô̆, đảng viên tơ̆ dêh char Dak Lăk hlôi đei ‘măng tơƀơ̆p ƀok. Păng Dôm nơ̆r pơtho khan đơ̆ng Tổng Bí thư tŏk bŏk jing jơhngơ̆m pran tơgŭm ăn đe sư hơdrin hloh dơ̆ng.

VOV4.Bahnar – Kơplah oei hơrih, Ƀok Tổng bí thư Nguyễn Phú Trọng tơrĕk kăp gĭt truh tơring kon pơlei kon kông. Lơ̆m dôm ‘măng năm tơmang păng pơm jang, Ƀok Tổng Bí thư hưnơ̆ng tơchĕng truh kon pơlei kon kông; pơm thoi yơ vă hơtŏk tơdrong hơrih mŭk drăm păng đon bơnôh ăn kon pơlei.

VOV4.Bahnar – Kơsơ̆ năr 22/7, Thủ tướng teh đak bơ̆n Phạm Minh Chính pơgơ̆r tơdrong hop akŏm hăm dôm anih jang tơm păng rim tơring gah tơdrong tơlĕch dăng tơlei unh hơyuh 500 kV jăl mă 3.

VOV4.Bahnar – Năr 22/7, Khul chih akŏm hla bar kăp gĭt kơyuơ bơngai jang lơ̆m Anih tơm Chĭnh trĭ, Ƀĭ thư Trung ương Đảng, Kơdră Anih jang Tuyên giáo Trung ương Nguyễn Trọng Nghĩa hlôi chă hơlen, pơm jang hăm Jơnŭm pơgơ̆r jang Đảng Ƀô̆ Anih tơm Joh ayŏ, Tơplŏng kơdâu păng Tơmang pơhiơ̆.

VOV4.Bahnar - Ƀơ̆t kơ tơ̆ng tơroi ƀok Tổng bí thư Nguyễn Phú Trọng lôch hơchăng, kon pơlei dôm hơdrĕch hơdrŭng Tây Nguyên chhưu kơ jơ hngơ̆m, tơƀôh jơhngơ̆m đon ‘mêm mơnat tôch kơ dêh. Hơdai hăm ‘noh, kon pơlei tơƀôh jơhngơ̆m băt bơnê gĭt kăl găh tơdrong arih sa bơ̆jang, tơgop tih tên păng tôch kơ hơgei đơ̆ng Tổng bí thư hăm tơdrong jang kach mang kơ Đảng, kơ hơdrĕch hơdrŭng pơma atŭm, păng Tây Nguyên pơma hơdrô̆.

VOV4.Bahnar - Kơdră chĕp kơ̆l đảng pơgơ̆r teh đak, đảng cộng sản păng dôm anih jang, khul grŭp lơ̆m apŭng plenh teh krao điên thoăi, gơih kơthơ păng pơtruh nơ̆r sơ ‘ngon hăm kơdră chĕp kơ̆l Đảng, Teh đak păng unh hnam ƀok Tổng Bí thư Nguyễn Phú Trọng.

VOV4.Bahnar - Thủ tướng Phạm Minh Chính ‘nao kĭ tơlĕch hla ar găh dôm Tơdrong jang, trong vă jang tơm vă tưk tơing tơdrong jang tŏk, vei lăng ‘lơ̆ng kơjă tơmam, vei sơđơ̆ng mŭk drăm teh đak lơ̆m khei 7 păng jăl khei mă III sơnăm 2024.

VOV4.Bahnar – Khul pơgơ̆r lêh pơdong đei 35 ‘nu kơdră yoa ƀok Kơdră teh đak Tô Lâm chĕp kơ̆l. Khul pơvih ăn Lêh pơdong đei 27 ‘nu, yoa ƀok Lương Cường, Kơdră jang lơ̆m Anih tơm Chinh trĭ, Kơdră chĕp kơ̆l Ban Bí thư vei lăng.