VOV4.Bahnar - 6 khei blŭng sơnăm ‘nâu, mŭk drăm plt Đà Nẵng jang tŏk đei 5%, thu mong jên ăn teh đak đei 70% kơsô̆ hơgăt đei pơjao lơ̆m sơnăm, tŏk hlŏh 31% pơting hăm khei âu sơnăm sơ̆.

VOV4.Bahnar -  ‘Năr 16/7, pơma nơ̆r pơtho tơ̆ hop akŏm hơtŏk tơdrong tơlĕch jên jang kơ teh đak, Thủ tướng athei dôm ƀok Kơdră tơm, Kơdră chĕp kơ̆l anih jang, Kơdră vei lăng kon pơlei tơ̆ dêh char akŏm jơhngâm bơ̆ jang mă ‘lơ̆ng dôm tơdrong tơchơ̆t đơ̆ng Khul kơdră teh đak, nơ̆r pơtho, hla ar chih đơ̆ng Thủ tướng teh đak păng dôm hla ar chih nơ̆r pơtho đơ̆ng Khul kơdră teh đak găh hơtŏk tơdrong tơlĕch jên jang kơ teh đak lơ̆m sơnăm 2024.

VOV4.Bahnar - ‘Năr 16/7, Anih vei lăng kon pơlei dêh char Lâm Đồng đei hla ar chih pơtho ăn dôm anih jang, khul grŭp, dôm apŭng, plt lơ̆m dêh char jăh tơlĕch trong jang tơjră hăm ‘năr hơgâm păng ‘mi tih. Khŏm pôk rĭ kon pơlei lĕch đơ̆ng tơring krê hơmơt kơ teh hơlih, đak tơjroh.

VOV4.Bahnar - Anih pơtăm, vei lăng bri ‘long dêh char Đắk Lắk oei akŏm jơhngâm hơtŏk hrĕnh tơdrong jang pơtăm ‘long bri lơ̆m pơyan ‘mi hăm đon pơhnŏng pơtăm ‘nao 1.800 ha bri. 

VOV4.Bahnar - Kơsơ̆ 16/7, tơ̆ Hnam Quốc hội, pơgơ̆r Lêh tơƀôh măt kơsâp hla ar “Quốc hội lơ̆m tơdrong jang tơplih ‘nao pơm lăp hăm ‘meh vă pơjing, hơmet pơ ‘lơ̆ng Teh đak chĕp kơ̆l pơgơ̆r kiơ̆ khôi luơ̆t xã hội chủ nghĩa Việt Nam” đơ̆ng Tổng Bí thư Nguyễn Phú Trọng. 

VOV4.Bahnar – Năr 15/7, Phŏ Kơdră teh đak bơ̆n Võ Thị Ánh Xuân atŭm hăm Khul jang tang măt ăn Kuôk hô̆i dêh char An Giang hlôi akŏm pơma dơnuh tơ̆ thĭ xah sơlam teh Tịnh Biên, dêh char An Giang đơ̆ng rŏng kơ ‘măng Hop akŏm mă 7, Kuôk hô̆i jăl 15.

VOV4.Bahnar – Ƀơ̆t tơbăt 74 sơnăm Năr juăt jue Hơdruh tơdăm jang sŭng phŏng sơ̆ kơ Việt Nam (15/7/1950 - 15/7/2024), kơsơ̆ năr 15/7, tơ̆ Anih jang đe Kơdră, Kơdră teh đak bơ̆n Tô Lâm hlôi tơƀơ̆p pơma dơnuh hăm Khul tang măt ăn đe hơdruh tơdăm jang sŭng phŏng sơ̆ kơ Việt Nam ƀơ̆t vang năm Hop akŏm kan ƀô̆ jơ̆p teh đak kơ Khul jang sŭng phŏng sơ̆ kơ Việt Nam.

VOV4.Bahnar - Pơgê năr 15/7, tơ̆ Hà Nội, Thủ tướng Teh đak Phạm Minh Chính, Kơdră chĕp pơgơ̆r Hơnih chĕp pơgơ̆r Hơmet ming bơ̆ jang kơ Khul kơdră chĕp pơgơ̆r teh đak pơm tơm Hop akŏm ‘măng mă 8 vă lăng hơlen pơtôch bơ̆ jang hơmet ming tơdrong jang 6 khei blŭng sơnăm păng trong tơlĕch jang 6 khei hơtuch sơnăm 2024.

VOV4.Bahnar - Năr 15/7, tơ̆ hơnăp ‘mi tih lơ tơring, dêh char Lâm Đồng tơlĕch nơ̆r tơbăt hơmơt đei teh tơdrŭt hơlih lơ̆m dêh char, mă kăl tơ̆ rim rim bro groi kông, teh nak, teh ưh kơjăp.

VOV4.Bahnar - Pơgê năr 15/7, Kơdră chĕp pơgơ̆r Ban Tuyên giáo Trung ương Nguyễn Trọng Nghĩa pơm tơm Khul dăr lăng Hơnih jang Tơdrong pơkăp Đảg Pơm lêh hop akŏm XIV hlôi bơ̆ jang tơ̆ dêh char Dak Lăk.