VOV4.Bahnar – Năr 15/7, Phŏ Kơdră teh đak bơ̆n Võ Thị Ánh Xuân atŭm hăm Khul jang tang măt ăn Kuôk hô̆i dêh char An Giang hlôi akŏm pơma dơnuh tơ̆ thĭ xah sơlam teh Tịnh Biên, dêh char An Giang đơ̆ng rŏng kơ ‘măng Hop akŏm mă 7, Kuôk hô̆i jăl 15.

VOV4.Bahnar – Ƀơ̆t tơbăt 74 sơnăm Năr juăt jue Hơdruh tơdăm jang sŭng phŏng sơ̆ kơ Việt Nam (15/7/1950 - 15/7/2024), kơsơ̆ năr 15/7, tơ̆ Anih jang đe Kơdră, Kơdră teh đak bơ̆n Tô Lâm hlôi tơƀơ̆p pơma dơnuh hăm Khul tang măt ăn đe hơdruh tơdăm jang sŭng phŏng sơ̆ kơ Việt Nam ƀơ̆t vang năm Hop akŏm kan ƀô̆ jơ̆p teh đak kơ Khul jang sŭng phŏng sơ̆ kơ Việt Nam.

VOV4.Bahnar - Pơgê năr 15/7, tơ̆ Hà Nội, Thủ tướng Teh đak Phạm Minh Chính, Kơdră chĕp pơgơ̆r Hơnih chĕp pơgơ̆r Hơmet ming bơ̆ jang kơ Khul kơdră chĕp pơgơ̆r teh đak pơm tơm Hop akŏm ‘măng mă 8 vă lăng hơlen pơtôch bơ̆ jang hơmet ming tơdrong jang 6 khei blŭng sơnăm păng trong tơlĕch jang 6 khei hơtuch sơnăm 2024.

VOV4.Bahnar - Năr 15/7, tơ̆ hơnăp ‘mi tih lơ tơring, dêh char Lâm Đồng tơlĕch nơ̆r tơbăt hơmơt đei teh tơdrŭt hơlih lơ̆m dêh char, mă kăl tơ̆ rim rim bro groi kông, teh nak, teh ưh kơjăp.

VOV4.Bahnar - Pơgê năr 15/7, Kơdră chĕp pơgơ̆r Ban Tuyên giáo Trung ương Nguyễn Trọng Nghĩa pơm tơm Khul dăr lăng Hơnih jang Tơdrong pơkăp Đảg Pơm lêh hop akŏm XIV hlôi bơ̆ jang tơ̆ dêh char Dak Lăk.

VOV4.Bahnar – Pơma ah ‘măng pơtơm hop akŏm mă 17, Hô̆i đŏng kon pơlei pơlei tơm HCM jăl 10, jăl jang 2021 -2026, ah pơgê ‘năr brei (15/7), Ƀĭ thư Thanh uy pơlei tơm HCM Nguyễn Văn Nên ăn tơbăt, sơnong jang lơ̆m khei năr oei lăi kơ sơnăm adoi nhen kơ tôm jăl jang noh trăp trĭn, pơkăl tôm athei hơdrin kơ-‘nôh hloh dơ̆ng lơ̆m khei năr truh.

VOV4.Bahnar – Dêh char Lâm Đồng tơchơ̆t tơlĕch hlŏh 265 ti hlak jên vă pơtho pơhrăm, sơng iŏk bơngai jang rơgei, pơm lăp hăm tơdrong ‘mĕh vă jang tŏk mŭk drăm-tơpôl tơ̆ tơring.

VOV4.Bahnar – Đơ̆ng rŏng 1 pơgơ̆r hăm lơ tơdrong jang tôch hơiă, Tơdrong thi Pơih pơre nơ̆r lơ̆m Radio teh đak ‘măng mă 16- sơnăm 2024 tơ̆ Thanh Hoá hlôi tôch.

VOV4.Bahnar - ‘Năr brei 14/7, Thủ tướng Phạm Minh Chính tơƀâp bơngai tăh hla đơ̆ng rŏng kơ Hop akŏm mă 7, Quốc hội jăl XV hăm hlŏh 200 ‘nu bơngai tăh hla tơ̆ kuơ̆n Thốt Nốt, dôm ƀok pơtho, ƀok pơgơ̆r vei lăng tơdrong lui tơ̆ kuơ̆n Thốt Nốt, plt Cần Thơ.

VOV4.Bahnar-Drơ̆ng nơ̆r krao hơvơn đơ̆ng ƀok pơtao teh đak Campuchia, Kơdră teh đak Tô Lâm kŭm hăm Khŭl tang măt gĭt kăl kơ teh đak bơ̆n hlôi pơtơm năm ngôi tơ̆ teh đak Campuchia đơ̆ng ‘năr 12 truh 13/7.