VOV4.Bahnar - Pơgê năr 8/7, tơlĕch rim Tơdrong tơchơ̆t, nơ̆r pơma pơtôch kơ Đảng, Kuô̆k hô̆i, Khul kơdră Teh đak, Thủ tướng Phạm Minh Chính pơm tơm ‘măng hop akŏm mă blŭng Hơnih chĕp pơgơ̆r dăr lăng, hơmet pơ ‘lơ̆ng tơhlăk tơhlĭn lơ̆m rim tơdrong pơkăp găh khôi luơ̆t.

VOV4.Bahnar – Ƀơ̆t tơbăt 77 sơnăm Năr Linh jĭ - Linh lôch tang, kơsơ̆ ‘năr brei (8/7), Kơdră Kuôk hô̆i Trần Thanh Mẫn năm hơpong, asong tơmam ăn rim unh hnam linh jĭ rơka, linh lôch tang, ‘nhŏng oh bơngai tơgŭm jơhngơ̆m ăn teh đak tơ̆ apŭng Anh Sơn, dêh char Nghệ An; plang hlôt nhang ƀlŏk tơbăt kơ Ƀok Kơdră Hồ Chí Minh tơ̆ Anih Gru grua kơ teh đak kăp gĭt Kim Liên tơ̆ xah Kim Liên, apŭng Nam Đàn, dêh char Nghệ An; plang hlôt nhang, plang pơkao tơ̆ Pơsat ƀlŏk tơbăt kơ Linh lôch tang Apŭng plenh teh Việt – Lào.

VOV4.Bahnar – ‘Năr brei (8/7), Tĭnh uy Đăk Lăk pơgơ̆r Hop akŏm sơkơ̆t tơdrong jang hơlen păng pơkăp kih luơ̆t lơ̆m Đảng 6 khei blŭng sơnăm 2024, tơlĕch tơdrong jang ăn 6 khei hơtuch sơnăm.

VOV4.Bahnar – Kơsơ̆ ‘năr brei (8/7), tơ̆ Hà Nội, Kuân uy Trung ương pơgơ̆r Hop akŏm ‘măng mă 10.

VOV4.Bahnar - Lơ̆m ‘Măng pơlong rapor lơ̆m teh đak ‘măng mă 16 sơnăm 2024 kơ yuơ Radiô Nơ̆r Pơma  Việt Nam jang hơdoi hăm Hơnih vei lăng kon pơlei dêh char Thanh Hoá pơgơ̆r, pơgê năr 8/7, Radiô Rapor -Pơdăh tivi dêh char Thanh Hoá, pơgơ̆r blŭng a ‘măng pơlong tuch luch rapor kơtă.

VOV4.Bahnar - Pơgê năr 8/7, Kơdră chĕp pơgơ̆r Kuô̆k hô̆i Trần Thanh Mẫn vang năm ‘Măng hop akŏm mă 20, Jơnŭm vei lăng kon pơlei dêh char Thanh Hoá jăl 18, jăl jang 2021-2026. 

VOV4.Bahnar - Bơ̆ jang kiơ̆ nơ̆r pơtho 05 đơ̆ng Anih tơm Chinh trĭ găh hơtŏk tơdrong hŏk pơhrăm păng jang kiơ̆ jơhngâm đon ‘lơ̆ng đơ̆ng Ƀok Hô, sơnăm 2019, apŭng Mù Cang Chải, dêh char Yên Bái tơlĕch trong jang “Năr hơtuch giĕng hơdai hăm kon pơlei”. Hlŏh 5 sơnăm bơ̆ jang, trong jang ‘nâu hơnhăk ba lơ tơdrong ‘lơ̆ng, pơjing tơdrong pơvei kơjăp đơ̆ng Đảng hăm kon pơlei. Dang ei trong jang ‘nâu đei pơih xă tơ̆ jơ̆p tơring lơ̆m dêh char Yên Bái.

VOV4.Bahnar - Lơ̆m sơnăm ou ki, rim hơnih Đảng tơ̆ dêh char Kon Tum ling lang lăng ba kơjăp tơdrong atŏk kơtang hŏk pơhrăm păng pơm kiơ̆ jơhngơ̆m đon ‘lơ̆ng, trong jang hơgei kơ Ƀok Hô. Hŏk păng pơm kiơ̆ jơhngơ̆m đon ‘lơ̆ng Ƀok Hô đơ̆ng dôm tơdrong yan ou, dôm bơngai đảng viên hơdrung kon kông tơ̆ Kon Tum tŏk bŏk tơgŭm kon pơlei tơplih jơhngơ̆m đon twochĕng, trong jang sa vă tơdrong hơrih sa ‘lơ̆ng hơ iă hloh. Khoa Điềm, Bơngai chih kơtơ̆ng ang kơ Radiô Nơ̆r Pơma Việt Nam oei tơ̆ Tây Nguyên đei ƀai chih “Hŏk păng pơm kiơ̆ jơhngơ̆m đon ‘lơ̆ng kơ Ƀok Hô, đảng viên tơ̆ Kon Tum tơgŭm kon pơlei tơplih jơhngơ̆m đon tơchĕng, trong jang sa”.

VOV4.Bahnar – Pơgê năr 8/7, tơ̆ pơlei tơm HCM, Ƀô̆ trương Anih tơm Nô̆i vŭ Phạm Thị Thanh Trà pơgơ̆r Hop akŏm kơ Anih tơm Nô̆i vŭ hăm dôm tơring, sơkơ̆t tơdrong jang 6 khei blŭng sơnăm, tơlĕch sơnong jang ăn 6 khei hơtuch sơnăm 2024.

VOV4.Bahnar - Kơsơ̆ 7/7, Thủ tướng Phạm Minh Chính truh pơm Lêh Hop akŏm roi tơbăt tơdrong Proh hơmet păng tơlĕch trong tơmât jên jang tơ̆ dêh char Hưng Yên.