VOV4.Bahnar – Kơsơ̆ năr 2/1, tơ̆ anih jang kơ Jơnŭm pơgơ̆r teh đak, Phŏ thủ tướng teh đak bơ̆n Nguyễn Hòa Bình hlôi pơgơ̆r Hop akŏm Jơnŭm pơgơ̆r jang tơring Tây Nguyên.

VOV4.Bahnar – Kơsơ̆ năr 2/1, tơ̆ pơlei tơm Đà Lạt, dêh char Lâm Đồng hlôi pơgơ̆r hop akŏm gah tơdrong jang hadoi hơlen tơdrong 'lơ̆ng tơmam drăm đơ̆ng pơlei tơm Hồ Chí Minh păng 5 dêh char Tây Nguyên.

VOV4.Bahnar - Pơgê năr 1/1, Thủ tướng Phạm Minh Chính pơm tơm ‘Măng hop akŏm mă 7 Hơnih chĕp pơgơ̆r Khul kơdră chĕp pơgơ̆r Teh đak găh “pơôch tơdrong jang kiơ̆ Tơdrong tơchơ̆t kơsô̆ 18-NQ/TW Trung ương jăl XII găh hơnơ̆ng tơplih ‘nao, hơmet minh khul kơdră kơ tơdrong jang chinh trĭ kơtoei, bơ̆ jang hơnơ̆ng, jơnei”.

VOV4.Bahnar - Tơ̆ dêh char Kon Tum, tơdrong jang “Ƀô̆ đô̆i so tơgum dih băl tơjur dơnuh, jang sa hơgei” lang să kơtang lơ̆m lơ tơdrong: choh jang sa, rong kon tơrong, tĕch mơdro, pơm tơlĕch tơmam drăm choh jang sa tơgŭm ăn rim ƀô̆ đô̆i so sơđơ̆ng hơrih sa păng tơgŭm ăn rim bơngai lơ̆m khul ŭnh hnam tơnap tap yak hloh dơnuh kơjăp ‘lơ̆ng.

VOV4.Bahnar - Tết Nguyên Đán Ất Tỵ 2025 oei vă truh bơih, lơ anih pơm tơlĕch, tĕch mơdro tơmam tơ̆ Đắk Lắk oei hơtŏk tơdrong jang xa, chơ tĕch tơmam vă pơm lăp hăm tơdrong ‘mĕh vă tơ̆ anih tĕch mơdro.

VOV4.Bahnar – Pơgê 2/1, tơ̆ Anih jang kơ Ƀok Kơdră teh đak, Kơdră teh đak Lương Cường pơjao tơdrong tơchơ̆t pôk hơtŏk Bơngai jang tang măt ăn teh đak CHXHCN Việt Nam ăn đe kăn ƀô̆, bơngai jang tơ̆ Anih tơm jang tơbôl sơnăm 2024.

VOV4.Bahnar - Bơ̆ jang kiơ̆ nơ̆r pơtho đơ̆ng Thủ tướng teh đak, dôm anih jang kơpal tơ̆ dêh char Đắk Lắk oei adrin tơlĕch lơ trong jang vă bơ̆ jang pơm trong gre kơdâu hrĕnh Khánh Hoà - Buôn Ma Thuột. Dôm năr blŭng sơnăm ‘nao 2025, jô̆ hloi Têt tây, rơbâu ‘nu công nhân tơ̆ anih ming man oei hơnơ̆ng bơ̆ jang. Tơdrong tơm ‘nŏh, truh hơtuch sơnăm 2025 jang kĕh 68km trong blŭng a tơ̆ Trong gre kơdâu hrĕnh Khánh Hòa – Buôn Ma Thuột, tơgop pơm hơtŏk mŭk drăm – tơpôl ăn tơring Tây Nguyên.

VOV4.Bahnar - Dêh char Gia Lai tŏk bok jang kiơ̆ rim trong tơplih ‘nao lơ̆m chĕp pơgơ̆r păng hơmet ming khul bơ̆ jang kiơ̆ Tơdrong tơchơ̆ty 18 đơ̆ng Khul kơdră chĕp pơgơ̆r Trung ương jăl XII, vă pơm kơ toei khul kơdră păng pơm hơtŏk bơ̆ jang ‘lơ̆ng, jơnei.

VOV4. Bahnar - Ƀlep lơ̆m tơbăt 80 sơnăm năr pơjing Khul Ƀô̆ đô̆i kon pơlei Việt Nam păng 35 sơnăm năr lêh đĭ đăng kon pơlei vang vei lăng teh đak, tơ̆ Hanm Kuô̆k hô̆i, Kơdră chĕp pơgơ̆r Kuô̆i hô̆i Trần Thanh Mẫn hlôi tơƀơ̆p muh măt Khul tang măt ăn bơngai đei iok yoa ăn teh đak Trung đoàn 271, Quân khu Trị Thiên.

VOV4.Bahnar - Tơ̆ Hà Nôị, Ban Nội chính Trung ương tơgơ̆r Hop akŏm trư̆k tuyên pơdăh ăn rim hơnih hop akŏm lơ̆m teh đak pơtôch bơ̆ jang Hơnih jang nội chính Đảng păng tơdrong jang kơ Hơnih chĕp pơgơ̆r tang găn sa pơgơ̆m pơjĭp, pơhoach brăh brư kơ dêh char sơnăm 2024, tơlĕch tơdrong jang sơnăm 2025.