VOV4. Bahnar - Tơ̆ hơnăp tơdrong pơrăm kơnê̆ đơ̆ng kial hơbŭt kơsô̆ 3 (Yagi) kơsơ̆ năr 9/9, tơ̆ Hơnih bơ̆ jang Trung ương Đảng, Tổng Bí thư, Kơdră chĕp pơgơ̆r Teh đak Tô Lâm pơm tơm hop akŏm Hơnih tơm Chinh trĭ vă pơrô̆ dôm tơdrong jang kăl vă hơmet pơ ‘lơ̆ng đơ̆ng ‘mi kial hơbut pơrăm.

VOV4.Bahnar - Đơ̆ng rŏng kơ Thủ tướng Phạm Minh Chính tơlĕch khei jang tơm “500 măng năr pơjei băl pơm đang 3.000 km trong gre kơdâu hrĕnh”, tơ̆ anih jang pơm trong tre kơdâu hrĕnh Khánh Hòa – Buôn Ma Thuột, dôm anih bơ̆ jang ming man hlôi hơtŏk khul bơngai jang, gre, kơmăy kơmŏk bơ̆ jang pơm trong.

VOV4.Bahnar - Drơ̆ng nơ̆r krao hơvơn đơ̆ng Tổng Bí thư, Kơdră teh đak Tô Lâm păng hơnăn sư, năr ‘nâu (10/9),Tổng Bí thư, Kơdră teh đak Lào Thongloun Sisoulith păng hơkăn sư pơtơm dôm tơdrong jang năm ngôi tơ̆ teh đak bơ̆n.

VOV4.Bahnar - Thủ tướng Phạm Minh Chính, Kơdră Khŭl chih hla ar kăl găh Mŭk drăm - Tơpôl Hop akŏm bơngai tang măt lơ̆m teh đak ‘măng mă XIV kơ Đảng (Khŭl chih hla ar kăl găh Mŭk drăm - Tơpôl) pơgơ̆r ‘măng hop akŏm Khŭl kơdră chĕp kơ̆l Teh đak hăm Kơdră chĕp kơ̆l Khŭl chih hla ar kăl găh Mŭk drăm - Tơpôl.

VOV4.Bahnar - Kơdră Quốc hội Trần Thanh Mẫn păng Khŭl tang măt gĭt kăl kơ Quốc hội Việt Nam hlôi tơƀơ̆p, pơma dơnuh hăm kang ƀô̆, bơngai jang kơ Anih jang tang măt păng bơngai tang măt tơpôl bơngai Việt Nam tơ̆ Liên bang Nga.

VOV4.Bahnar – Kơsơ̆ năr 8/9, Kơdră teh đak Cộng hòa Mozambique Filipe Jacinto Nyusi păng Hơkăn ƀok hlôi truh anih tơm Hà Nội, pơtơm ‘măng năm tơmang teh đak Việt Nam đơ̆ng năr 8-10/9 kiơ̆ nơ̆r hơvơn đơ̆ng ƀok Tổng Bí thư, Kơdră teh đak bơ̆n Tô Lâm păng hơkăn ƀok.

VOV4.Bahnar – Anih vei lăng choh jang xa păng atŏk tơiung tơring tơrang dêh char Đắk Lắk ‘nao đei hla ar chih găh “Hơtŏk tơdrong tang găn hăm tơdrong sar bar, tơjră hăm ‘mi tih tơ̆ dêh char”. 

VOV4.Bahnar – Gơmăng hei (8/9), Kơdră Quốc hội Trần Thanh Mẫn păng Khul tang măt ăn Quốc hội teh đak bơ̆n hlôi truh tơ̆ cham gre păr nukovo, Moscow pơtơm năm hơpong tơ̆ teh đak Nga kiơ̆ nơ̆r krao hơvơn đơ̆ng Kơdră Đuma teh đak Nga păng Kơdră Thượng viện teh đak Nga.

VOV4.Bahnar – Kơsơ̆ brei 8/9, Thủ tướng Phạm Minh Chính năm dăr lăng tơdrong hiong răm, pơtho tơƀôh tơlĕch dôm trong jang kăl vă hơmet pơ ‘lơ̆ng hiong răm đơ̆ng ‘mi kial kơsô̆ 3 tơ̆ Quảng Ninh păng Hải Phòng – tơring mă ‘mi kial hơbut dêh hlŏh, pơm hiong răm lơ hlŏh.

VOV4.Bahnar – Yơ̆ng âu ki, tơ̆ pơlei tơm Đà Lạt, Khul kơpal kơ Jơnŭm pơgơ̆r teh đak kơyuơ Phŏ Thủ tướng Trần Hồng Hà chĕp kơ̆l hlôi pơm jang hăm dêh char Lâm Đồng, dêh char Khánh Hòa gah sek tơlang dôm tơnap tap, tơhlăk tơhlĭn lơ̆m ming man dôm jăl trong tih kơdâu renh đơ̆ng Tân Phú – Bảo Lộc, Bảo Lộc – Liên Khương păng Nha Trang – Đà Lạt.