VOV4.Bahnar – Kŭm hăm hŏk tro lơ̆m teh đak, kơsơ̆ (26/6) đe ŏh hŏk tro vang thi tốt nghiệp THPT sơnăm 2024 kơ dêh char Đắk Lắk năm truh tơ̆ anih thi vă pơm hla ar, chih măt vang thi.

VOV4.Bahnar - Thủ tướng Phạm Minh Chính pơma nuh hăm Tổng Bí thư Khul kơdră chĕp kơ̆l Trung ương Đảng Cộng sản Trung Quốc, Kơdră teh đak Cộng hòa nhân dân Trung Hoa Tập Cận Bình. 

VOV4.Bahnar - Pơgê 26/6, tơ̆ Hà Nội, Kơdră teh đak Tô Lâm vang truh pơm Lêh tơbăt 70 sơnăm năr joăt joe Khŭl lĭnh jang Ki thuơ̆t kơ Kŏng an kon pơlei (1/7) păng sơng iŏk Mê đai jơnei dơ̆ng mă Ƀar.

VOV4.Bahnar - Pơgê 26/6, hăm tơdrong vei lăng đơ̆ng Phŏ kơdră Quốc hội Nguyễn Đức Hải, Quốc hội pơgơ̆r yơ̆r ti pơdrơ̆ng kiơ̆ Tơdrong tơchơ̆t đơ̆ng Quốc hội găh pơlong lăng tơmơ̆t dơ̆ng 1,2 tơdrong jang tơgŭm hơdrô̆ hơtŏk tơiung dêh char Nghệ An păng pơlei tơm Đà Nẵng.

VOV4.Bahnar - Kơsơ̆ 25/6, Anih pơgơ̆r jang tơchă, iŏk akŏm păng băt hơdăh hơnăn kơting lĭnh lôch dŏng teh đak (Anih pơgơ̆r jang 515) dêh char Gia Lai pơgơ̆r Hop akŏm pơtôch jang kiơ̆ hơnăp jang tơchă, iŏk akŏm păng băt hơdăh hơnăn kơting lĭnh lôch dŏng teh oei ưh tam băt tôm hơnăn đơ̆ng sơnăm 2023 truh dang ei.

VOV4.Bahnar - Năr ‘nâu (26/06), hloh 1 triệu ‘nu hŏk tro lơ̆m teh đak gô pơtơm blŭng ‘măng pơlong tốt nghiệp hŏk jăl 3 sơnăm 2024 hăm tơdrong truh tơ̆ dôm hơnih pơlong vă iŏk lăm pơlong, pơm hla ar vang pơvang.

VOV4.Bahnar - Kơsơ̆ 25/6 (jơ tơring), tơ̆ pơlei tơm Đại Liên, dêh char Liêu Ninh, Trung Quốc, Thủ tướng Phạm Minh Chính hlôi vang truh Pơma đam hăm tơpôl mơdro sa pơjing tơdrong jang sa, tơplih ‘nao hơgei kơ Hop akŏm mŭk drăm apŭng plĕnh teh (WEF), hăm hơnăn “Pơtrŭt jang tŏk mŭk drăm kiơ̆ lơ̆m tơplih ‘nao pơcheh hơgei tơ̆ dôm teh đak tŏk bŏk pơdrŏng.

VOV4.Bahnar - Ƀlep ƀât Hop akŏm mŭk drăm apŭng plenh teh tơ̆ Đại Liên 2024, Thủ tướng Phạm Minh Chính sơng Kơdră Anih pơm pơ ‘lơ̆ng các-bon păng jang tŏk rơgŏh kơ teh đak Hàn Quốc Kim Sang-Huyp.

VOV4.Bahnar -Thủ tướng Phạm Minh Chính hlôi đei ƀai iung pơma gĭt kăl tơ̆ ‘Măng pơgơ̆r pơih blŭng đĭ đăng Hop akŏm rim sơnăm dôm bơngai iung jang hơdrol ‘măng mă 15 kơ Hop akŏm Mŭk drăm apŭng plĕnh teh tơ̆ Đại Liên.

VOV4.Bahnar - Pơgê 25/6, Anih chĕp kơ̆l Ƀô đô̆i vei lăng tơring sơlam dêh char Gia Lai pơgơ̆r Hop akŏm Pơjei băl bơ̆ jang khŏm đei đơ̆ng 2019- 2024.