VOV4.Bahnar – Pơgê brei (25/6), Phó Thủ tướng Trần Hồng Hà truih pơm lêh păng iung pơma tơ̆ Lêh tơlĕch tơdrong jang pơjing păng iŏk yoa anih jang tơ̆ Tơring jang kơmăy Bắc Thạch Hà - VSIP Hà Tĩnh.

VOV4.Bahnar – Kơsơ̆ ‘năr 24/6, Kơdră jang lơ̆m Anih tơm Chinh trĭ, Kơdră chĕp kơ̆l Ban Tuyên giáo Trung ương – Nguyễn Trọng Nghĩa chĕp kơ̆l Khul jang đơ̆ng Ban Tuyên giáo Trung ương đei jơ bơ̆ jang hăm Ƀô đô̆i vei lăng tơring sơlam dêh char Đắk Lắk.

VOV4.Bahnar - Kơsơ̆ ‘năr 24/6, tơ̆ plt Đại Liên, lơ̆m ‘măng năm bơ̆ jang tơ̆ teh đak Trung Quốc, Thủ tướng Phạm Minh Chính sơng ƀok Tôn Vinh Khôn, Kơdră chĕp kơ̆l Khul vei lăng Công ty TNHH Kơ̆l kơmăy păng kiĕng gre treng Đại Liên păng ƀok Vương Tiểu Quân, Phŏ Kơdră chĕp kơ̆l Grŭp jang unh điên Trung Quốc (PowerChina). 

VOV4.Bahnar – Kơsơ̆ ‘năr 24/6, tơ̆ Anih jang kơ ƀok Kơdră teh đak, Kơdră teh đak bơ̆n, ƀok Tô Lâm sơng Bơngai tang măt ăn Cuba tơ̆ Việt Nam kŭm hăm khul kăn ƀô̆ đơ̆ng Anih jang tang măt ăn Cuba truh tơƀâp.

VOV4.Bahnar - Chĕp răk nơ̆r Ƀok Hô pơtho, lơ druh dăm xung phong so sơ̆ tơ̆ Đắk Lắk adrin yak hlŏh pơmat tat vă jang tŏk mŭk drăm, pơm pơdrŏng tôch tơgăl. Đe sư oei jing dôm bơngtai tôch tơnăp vang bơ̆ jang yoa bôl boăl, tơgŭm ăn dôm bơngai đei tơdrong arih xa pơmat tat jang tŏk.

VOV4.Bahnar - ‘Năr 24/6, ƀok Nguyễn Trọng Nghĩa, Bơngai jang lơ̆m Anih tơm Chĭnh trĭ, Bí thư Trung ương Đảng, Kơdră Anih jang tơroi tơbăt Trung ương hlôi pơgơ̆r Hop akŏm roi tơbăt pơtôch hơlen lăng tơdrong jang vei lăng kơdih hăm Khŭl chĕp kơ̆l pơgơ̆r Anih jang Đảng dêh char Đắk Lắk. 

VOV4.Bahnar - Pơgê 24/6, pơma dơnuh tơ̆ hơnih hop akŏm tơm găh Luơ̆t tang găn tĕch mơdro bơngai (hơmet ming), lơ bơngai tang măt Quốc hội drơ̆ng nơ̆r hăm tơdrong kăl hloh hơmet ming tôm tơdrong Luơ̆t tang găn tĕch mơdro bơngai, hơdai hăm athei tơmơ̆t dơ̆ng tơdrong ‘nao ‘noh jĭ tĕch mơdro nge oei lơ̆m klak lơ̆m pơm glăi hơmet ming đơ̆ng Luơ̆t ‘nâu.

VOV4.Bahnar - Kơsơ năr 24/6, tơ̆ pơlei tơm Đại Liên, dêh char Liêu Ninh, Trung Quốc, Thủ tướng Teh đak Phạm Minh Chính hlôi pơma đam hăm Thủ tướng Teh đak Cộng hòa nhân dân Trung Hoa Lý Cường ƀlep lơ̆m jơ ‘năr vang năm Hop akŏm joăt joe rim kơdră gơh hơgei ‘măng mă 15 Hop akŏm Mŭk drăm apŭng plĕnh teh pơgơ̆r tơ̆ Đại Liên (Hop akŏm WEF Đại Liên) păng bơ̆ jang tơ̆ Trung Quốc.

VOV4.Bahnar - Pơgê năr 24/6, tơ̆ Hơnih soi tơbăh păng Hơnih man tơbăt Jơnei rơngei Đak Pơ (tơring An Thành, apŭng Đak Pơ), Hơnih Đảng dêh char, Jơnŭm vei lăng kon pơlei, Hơnih vei lăng kon pơlei, Hơnih Măt trân Tổ quốc Việt Nam dêh char Gia Lai pơgơ̆r Pơm lêh tơbăt 70 sơnăm Jơnei rơngei Đak Pơ.

VOV4. Bahnar - Tơ̆ pơlei tơm Đà Lạt, Kơ iĕng Thủ tướng Trần Lưu Quang vang năm păng pơrô̆ Hop akŏm Khul chĕp pơgơ̆r tơring Tây Nguyên ‘măng mă pêng.