VOV4.Bahnar - “Lĕch tơ̆ trong hli hloh kŏng nŏng”, đơ̆ng sơ̆ hlôi jing nơ̆r tơtok kơ kon pơlei rim dêh char Tây Nguyên găh tơdrong hơmơt ưh sơđơ̆ng trong nơnăm đơ̆ng gre kŏng nông, mĭnh kơ loăi gre chơ tơmam drăm-choh jang sa gĭt kăl tơ̆ tơring. Vă pơm hơtŏ ƀar păh tơdrong pơkoel kăl hloh găh gre tơgŭm ăn choh jang sa hăm sơđơ̆ng trong nơnăm, khul kanh sat vei lăng trong gre nơnăm, kŏng ang rim tơringhlôi kơrŭn đĭ ai vă pơjing đei sơđơ̆ng ‘lơ̆ng hơ iă kơ gre kŏng nŏng păng jơhngơ̆m đon kơchăng đơ̆ng bơngai vơ̆r gre ou mư̆h kơdou tơ̆ trong glung.

VOV4.Bahnar - ‘Năr brei (28/8), Anih jang Mặt trận Tổ quốc Việt Nam dêh char Đắk Lắk pơgơ̆r Hop akŏm bơngai tang măt ‘măng mă XV, jăl jang 2024-2029.

VOV4.Bahnar - Kơsơ̆ brei 28/8, Thủ tướng Phạm Minh Chính pơgơ̆r Hop akŏm hơlen lăng pơtôch jang kiơ̆ tang găn rôp yâu ka glăi, ưh kơ tơroi tơbăt păng ưh kơ kiơ̆ tơdrong hơgăt (IUU), hơmet ăn sơng păng bơ̆jang hăm Khŭl Dăr hơlen kơ Anih jang châu Âu (EC) ‘măng mă 5; hơdrin pleh hŭt “Kơthe dreng” IUU đơ̆ng EC.

VOV4.Bahnar - Kơsơ̆ 27/8, Tổng Bí thư, Kơdră teh đak bơ̆n, ƀok Tô Lâm pơgơ̆r Hop akŏm Khul chih hơmet Hla ar kăl ăn Hop akŏm ‘măng mă 14 kơ Đảng vang tơgop nơ̆r găh Hla ar chih chinh trĭ yoa Khul chih hơmet chih pơjing.

VOV4.Bahnar - Ƀlep ƀât tơbăt 79 sơnăm năr Quốc khánh, gơmăng hei (27/8), tơ̆ Hnam hơri tih, Hà Nội, Kơdră Quốc hội Trần Thanh Mẫn truh hăm Tơdrong hơri hơxoang gĭt kăl “Drang tŏ Ba Đình”.

VOV4.Bahnar - Pơgê 27/8, Anih chĕp kơ̆l pơgơ̆r Quốc hội pơgơ̆r Hop akŏm bơngai tang măt jang kơtă lơ̆m Quốc hội ‘măng mă 6, pơma nuh găh 12 kơ luơ̆t vă tơroi ăn Quốc hội lơ̆m hop akŏm mă 8, Quốc hội jăl 15. 

VOV4.Bahnar – Đơ̆ng rŏng kơ ƀok Tổng Bí thư, Kơdră teh đak bơ̆n Tô Lâm pơjao hla bar pơkăp đơ̆ng Kơdră pôk kơchư̆k jang ‘nao hăm 3 Phŏ Thủ tướng păng 2 Ƀô̆ trương, ah kơsơ̆ năr 26/8, Thủ tướng Phạm Minh Chính hlôi pơgơ̆r tơjrơ̆m, thơ thâu hơ-iă, pơjao sơnong jang.

VOV4.Bahnar – Ƀok Rah Lan Chung (53 sơnăm, bơngai Jarai) hlôi đei Anih jang vei lăng kon pơlei dêh char Gia Lai pôk jang Kơdră Anih jang vei lăng kon pơlei dêh char Gia Lai jăl jang 2021-2026.

VOV4.Bahnar – Pơgê năr 27/8, tơ̆ Anih jang kơ Jơnŭm pơgơ̆r teh đak, Thủ tướng teh đak bơ̆n Phạm Minh Chính hlôi sơng Kơdră Thươ̆ng viê̆n Australia Sue Lines.

VOV4.Bahnar - Kơsơ̆ 26/8, Tổng Bí thư, Kơdră teh đak Tô Lâm hlôi pơgơ̆r lêh roi tơbăt hơdăh păng pơjao hla ar tơchơ̆t đơ̆ng Kơdră teh đak pôk hơtŏk dôm Phŏ Thủ tướng Teh đak, Kơdră Anih tơm Tư pháp păng Kơdră Anih tơm vei lăng Tơmam drăm păng Cham char.