VOV4.Bahnar - Ƀlep lơ̆m jơ ‘năr tơbăt 69 sơnăm năr “Ƀok thây pơgang Việt Nam, Kơdră chĕp pơgơ̆r teh đak Võ Văn Thưởng năm ngôi, hmach chơt hơ iă ăn rim ƀok thây pơgang tơ̆ dêh char Hà Nam. 

VOV4.Bahnar - Tơ̆ apŭng sơlam teh đak Ƀuôn Đôn hlôi pơgơ̆r lơ tơdrong jang lăng ba tơdrong hơrih sa tơpôi ăn kon pơlei tơring sơlam teh đak păng ƀô̆ đô̆i vei lăng sơlam teh đak kơ yuơ Hơnih Đoàn dêh char Dak Lăk pơgơ̆r, găh lơ̆m tơdrong jang Khei pêng tơring sơlam teh đak păng iung jang Khei Hơdruh tơdăm sơnăm 2024.

VOV4.Bahnar - Pơgê năr 26/2, khul bơ̆ jang dêh char Kon Tum tŏk bŏk dăr lăng hơlen, pơm hơdăh ‘măng tơtơ̆m dih băl lơ̆m gơmăng năr 25/2 tơ̆ jăl trong glung Hồ Chí Minh pơm ăn 2 ‘nu bơngai lôch.

VOV4.Bahnar - Tơ̆ pơlei Kret Krot, tơring H’Ra, apŭng Mang Yang, dêh char Gia Lai, mĭnh lăm hŏk xut xa ưh kơbăt kơchư đei pơ̆ih đơ̆ng hơtuch sơnăm 2023.’Nau jĭ trong tơchăr pơjing đơ̆ng Trung uý Lê Tuấn Thành, Công an tơring H’Ra, apŭng Mang Yang. Kŏng ang sơnăm mơlôh au iŏk jang hloi pơtho chư ăn kon pơlei Bahnar vă kon pơlei tơ au băt đŏk, chih chư.  

VOV4.Bahnar - Khei năr tơjê̆ au tŏk bŏk jing khei ‘năr tŏ pơđang hloh tơ̆ Tây Nguyên, tơ̆ dêh char Kon Tum tŏ kơtang lơ khei au ki pơm ăn kơhrĕng rơbau hek tar bri ‘long păng ‘long pơtăm hơmơt ŭnh sa đơ̆ng dang yơ ưh kơ tom băt hloi.

VOV4.Bahnar - Kơsơ̆ năr 26/2, Thủ tướng Teh đak Phạm Minh Chính hlôi sơng pơma dơnuh hăm ƀok Roland Busch, Kơdră chĕp pơgơ̆r Grŭp jang Siemens (Cộng hòa Liên bang Đức) tŏk bŏk năm ngôi, bơ̆ jang tơ̆ Việt Nam.

VOV4.Bahnar -‘Năr 26/2, năr mă 2 lơ̆m ‘măng pơm lêh năm pơm ƀô̆ đô̆i, đei 7 dêh char, pơlei tơm pơgơ̆r pơm lêh pơjao iŏk lĭnh ‘noh đei: Thanh Hóa, Nghệ An, Hà Tĩnh, Quảng Trị, Quảng Bình, Thừa Thiên Huế păng pơlei tơm Hà Nội.

VOV4.Bahnar-‘Năr 25/2, rơbăn hơdruh tơdăm kơ 30 dêh char pơlei tơm chơt hơiă năm pơm ƀô̆i đô̆i. ‘Nâu jĭ ‘măng pơjao iŏk lĭnh mă blŭng. 4 dêh char Tây Nguyên Kon Tum, Gia Lai, Đắk Lắk, păng Đắk Nông chơt hơiă pơm lêh pơjao iŏk lĭnh sơnăm 2024.

VOV4.Bahnar - Pơgê ‘năr 25/2, tơ̆ Anih gru groa kơ teh đak Truông Bồn, apŭng Đô Lương, dêh char Nghệ An, Trung ương Đoàn TNCS Hồ Chí Minh pơm lêh tơlĕch Khei druh dăm sơnăm 2024 păng Têt pơtăm ‘long Pơyan Puih mak Giáp Thìn 2024. 

VOV4.Bahnar-Tơ̆ xăh sơlam Ea Bung, apŭng Ea Súp, dêh char Đắk Lắk, dôm kơđông lĭnh vei lăng tơring sơlam Đắk Ruê păng Yok Bruê, jang hơdai hăm khŭl kơdră tơring pơgơ̆r “Năr đĭ đăng kon pơlei vei lăng tơring sơlam sơnăm 2024”.