VOV4.Bahnar – Anih vei lăng choh jang xa păng atŏk tơiung tơring tơrang dêh char Đắk Lắk ‘nao đei hla ar chih găh “Hơtŏk tơdrong tang găn hăm tơdrong sar bar, tơjră hăm ‘mi tih tơ̆ dêh char”. 

VOV4.Bahnar – Gơmăng hei (8/9), Kơdră Quốc hội Trần Thanh Mẫn păng Khul tang măt ăn Quốc hội teh đak bơ̆n hlôi truh tơ̆ cham gre păr nukovo, Moscow pơtơm năm hơpong tơ̆ teh đak Nga kiơ̆ nơ̆r krao hơvơn đơ̆ng Kơdră Đuma teh đak Nga păng Kơdră Thượng viện teh đak Nga.

VOV4.Bahnar – Kơsơ̆ brei 8/9, Thủ tướng Phạm Minh Chính năm dăr lăng tơdrong hiong răm, pơtho tơƀôh tơlĕch dôm trong jang kăl vă hơmet pơ ‘lơ̆ng hiong răm đơ̆ng ‘mi kial kơsô̆ 3 tơ̆ Quảng Ninh păng Hải Phòng – tơring mă ‘mi kial hơbut dêh hlŏh, pơm hiong răm lơ hlŏh.

VOV4.Bahnar – Yơ̆ng âu ki, tơ̆ pơlei tơm Đà Lạt, Khul kơpal kơ Jơnŭm pơgơ̆r teh đak kơyuơ Phŏ Thủ tướng Trần Hồng Hà chĕp kơ̆l hlôi pơm jang hăm dêh char Lâm Đồng, dêh char Khánh Hòa gah sek tơlang dôm tơnap tap, tơhlăk tơhlĭn lơ̆m ming man dôm jăl trong tih kơdâu renh đơ̆ng Tân Phú – Bảo Lộc, Bảo Lộc – Liên Khương păng Nha Trang – Đà Lạt.

VOV4.Bahnar – Sơng iŏk nơ̆r hơvơn đơ̆ng Ƀok Tổng Bí thư, Kơdră teh đak bơ̆n Tô Lâm, Ƀok Kơdră teh đak Cộng hòa Guinea-Bissau Umaro Sissoco năm tơmang teh đak Việt Nam đơ̆ng năr 05-08/9. Kơsơ̆ năr 6/9, đơ̆ng rŏng kơ lêh sơng kơpal tơ̆ Anih jang đe Kơdră teh đak, Ƀok Tổng Bí thư, Kơdră teh đak bơ̆n Tô Lâm hlôi pơma đam hăm Ƀok Kơdră Umaro Sissoco Embaló.

VOV4.Bahnar - Anih vei lăng kon pơlei dêh char Đắk Lắk tơlĕch tơdrong Tơchơ̆t pơjing 2 khul dăr lăng đơ̆ng anih jang kơpal găh tơdrong vei lăng rơgŏh ‘lơ̆ng tơmam xa ƀât Tết Trung thu sơnăm 2024.

VOV4.Bahnar - Hơtuch jơ kơsơ̆ ‘năr 6/9, khul jang yoa Phó Thủ tướng Trần Hồng Hà chĕp kơ̆l truh hơlen năng tơdrong jang tang găn ‘mi kial kơsô̆ 3 tơ̆ plt Hải Phòng. 

VOV4. Bahnar - Pơgê năr 6/9, Hơnih Đảng dêh char Gia Lai hlôi pơgơ̆r hop akŏm tơbăt hơdăh tơdrong tơchơ̆t đơ̆ng Khul kơdră chĕp pơgơ̆r Đảng dêh char, pôk tơmơ̆t ƀok Rah Lan Chung tŏk jang kơchư̆k Bí thư Khul kơdră chĕp pơgơ̆r Đảng Hơnih vei lăng kon pơlei dêh char jăl jang 2021-2026.

VOV4.Bahnar - Pơgê năr 6/9, Khul Đảng kơ Kŏng ang Trung ương, Ban Biên tập Tạp chí Cộng sản păng Hơnih pơm tơlĕch kơsơ̆p hla bơar Chinh trĭ quốc gia Sự thật pơgơ̆r pơma dơnuh hăm hơnăn “Jơhngơ̆m đon kơ kang ƀô̆, kŏng ang kơ Kŏng ang kon pơlei hăm nhap ƀok Tổng Bí thư Nguyễn Phú Trọng”.

VOV4.Bahnar - Pơgê 6/9, Anih Radiô nơ̆r pơma Việt Nam pơgơ̆r Tơdrong jang tơƀơ̆p muh măt Tơbăt 79 sơnăm Năr pơjing.