VOV4.Bahnar - Tây Nguyên tŏk bŏk ah khei tơm kơ pơyan phang, đak tơ̆ dôm đak krong đak glung tŏk bŏk och hrơ̆ tenh, minh ƀar tơring hlôi pă đei đak, kon pơlei tŏk bŏk oei tơjră hăm minh pơyan phang đei tơroi hơdrol gô kơtang hloh. Tơ̆ dêh char Đăk Nông, kon pơlei jang mir păng jơnŭm pơgơ̆r tơring tŏk bŏk hăt hot tơlĕch lơ trong jang vă tơjră tŏ pơđang.

VOV4.Bahnar - Kơsơ̆ 1/3, tơ̆ xăh Sông Cầu, apŭng Khánh Vĩnh, dêh char Khánh Hòa, Kơdră Kuôk hô̆i Vương Đình Huệ truh pơm lêh tơlĕch jang chưk teh pơm trong tơƀưh hăm dêh char Lâm Đồng păng dêh char Ninh Thuận.

VOV4.Bahnar - ‘Năr 1/3, Khul kơdră chĕp kơ̆l đảng dêh char Gia Lai roi tơbăt tơdrong tơchơ̆t pôk hơtŏk ƀok Trần Minh Sơn – Kơdră jang lơ̆m Anih chĕp kơ̆l đảng dêh char, Bí thư đảng apŭng, Kơdră Jơnŭm pơgơ̆r kon pơlei apŭng Chư Păh pơm Bí thư Đảng khul Anih MTTQ Việt Nam dêh char đơ̆ng 2019 - 2024.

VOV4.Bahnar - Anih vei lăng kon pơlei dêh char Gia Lai ‘nao pơgơ̆r Hop akŏm hơlen năng păng tơƀâp dôm bơngai jang rơgei mưh bơ̆ jang Năr đĭ đăng kon pơlei vang vei lăng tơring sơlam đơ̆ng 2019 - 2024. Hop akŏm ăn tơbăt, pơjing tơring tang găn kơjăp ‘lơ̆ng, hlôi păng hơnơ̆ng jing tơdrong jang rim năr vă vei lăng kơjăp ‘lơ̆ng 80 km trong sơlam teh đak tơ̆ dêh char.

VOV4.Bahnar - Pơgê năr 1/3, tơ̆ Hà Nội, pơgơ̆r ‘măng hop akŏm Hơnih chĕp pơgơ̆r Hop akŏm khoa hok: “Jơnei rơngei Điên Biên Phủ-Tơdrong kăp gĭt chăl sơnăm păng tơdrong kăl chăl hơrih”.

VOV4.Bahnar - Pơgê năr 1/3, tơ̆ Hà Nội, Khul kơdră chĕp pơgơ̆r Ƀô̆ đô̆i vei lăng sơlam Teh đak pơgơ̆r Pơm lêh sơng iŏk Mê đai jơnei dơ̆ng mă Ƀar, tơbăt 65 sơnăm Năr joăt joe Ƀô̆ đô̆i vei lăng sơlam teh đak, 35 sơnăm Năr kon pơlei vang vei lăng sơlam teh đak. Kơdră chĕp pơgơ̆r Teh đak vang năm păng iung pơma tơ̆ pơm lêh.

VOV4.Bahnar – Pơgê năr 1/3, tơ̆ anih jang kơ Jơnŭm pơgơ̆r teh đak, Phŏ Thủ tướng Trần Lưu Quang pơgơ̆r ‘măng pơm jang trư̆k tuyê̆n hăm 3 tơring: Hải Phòng, Hải Dương, Quảng Ninh găh tơdrong tơlĕch hơtŏk jang tĕch pơdro, asong jang, ming man păng tĕch răt tơmam drăm hăm teh đak đe.

VOV4.Bahnar – Pơlong pơm kiơ̆ tŏ sĕt jat noh 120 tơdrong jang yak hadoi hăm đe drăkăn, đe hơ-ioh hin dơnuh đei tơdrong hơrih tơnap tap jing minh lơ̆m dôm tơdrong jang đei drăkăn Đăk Lăk tơlĕch ah pơgê năr 1/3 tơ̆ Lêh pơtơm Sơnăm pơlong păng ‘măng pơlong kăp gĭt sơng kơkuh tơbăt 120 sơnăm tơ-iung pơjing dêh char.

VOV4.Bahnar - Kơsơ̆ 29/2, yă Nguyễn Thị Kim Thúy, Phŏ Kơdră Anih vei lăng tơpôl kơ Quốc hội, Kơdră chĕp kơ̆l Khul dăr lăng đơ̆ng anih âu đei jơ bơ̆ jang hăm Anih vei lăng kon pơlei dêh char Đắk Lắk găh tơdrong bơ̆ jang kiơ̆ trong tơgŭm, khôi luơ̆t pơm hơtŏ hơnơ̆ng kơplăh drŏ kăn hăm drŏ nglo tơ̆ dêh char sơnăm 2023; tơdrong pơm kiơ̆ Luơ̆t iŏk unh om chom gŏ păng unh hnam đơ̆ng 2015 - 2023.

VOV4.Bahnar - Hop akŏm tih Jăl 55 Anih vei lăng tơdrong pơm tơm kơ Liên hợp quốc hlôi tôch lơ̆m ‘năr 29/2, tơ̆ Giơ-ne-vơ – Thụy Sỹ. Khul tang măt ăn Việt Nam yoa Kơdră tơm jang tơbôl Bùi Thanh Sơn chĕp kơ̆l vang truh akŏm păng đei ƀai iung pơma gĭt kăl, tơƀôh hơdăh tơdrong tơgop tôch ‘lơ̆ng păng đon jang tơnăp đơ̆ng Việt Nam hăm 1,2 tơdrong pơlong nol dêh hlŏh mă apŭng plenh tĕh athei tơjră.