VOV4.Bahnar -  Jơnei Buôn Ma Thuột năr 10/3/1975 mơ̆t lơ̆m chăl sơnăm khul ƀô đô̆i lơ̆m iung tơblăh vei lăng Teh đak, hăm tơdrong gĭt kăl au ‘noh pơih trong ăn ‘măng Iung tơblăh tih puih mak sơnăm 1975, pơm rơngei tơring pơbăh păng teh đak rơngei keh kong. Đơ̆ng mĭnh thĭ xah iĕ ioch, Buôn Ma Thuột roi năr roi tơplih ‘nao lăng truh jing pơlei tơm rơgoh ‘lơ̆ng-gơ̆h hơgei, hơdrin jing Hơnih kơdrơ̆m tơm tơring Tây Nguyên.

VOV4.Bahnar - Lơ̆m tơdrong jang năm ngôi bơ̆jang tơ̆ Australia, kơsơ̆ brei 8/3, (jơ tơring), tơ̆ Canberra, Thủ tướng Phạm Minh Chính hlôi sơng kơdră chep kơ̆l 1,2 Grŭp jang mŭk drăm, mơdro sa tih hloh kơ Australia lơ̆m dôm tơdrong jang tơmơ̆t jên jang păng hơtŏk tơiung anih jang kăl; iŏk jang, pơm tơlĕch tơmam drăm lơ̆m teh; pơm tơlĕch, tĕch mơdro phe ƀa tơmam sa... tŏk bŏk ‘meh vă jang hơdai, tơmơ̆t jên jang tơ̆ Việt Nam.

VOV4.Bahnar - Kơsơ̆ brei (8/3), tơ̆ Hà Nội, Khŭl chih hơmet Hla ar ăn Hop akŏm 14 kơ Đảng yua đơ̆ng ƀok Nguyễn Xuân Thắng, Bơngai jang lơ̆m Anih tơm Chĭnh trĭ, Kơdră Học viện Chính trị quốc gia Hồ Chí Minh, Kơdră Jơnŭm Lý luận Trung ương, Khŭl chĕp kơ̆l pơgơ̆r Khŭl jang, Kơdră Khŭl chih hơmet ming hla ar ăn Hop akŏm 14 pơm kơdră khŭl, hlôi bơ̆jang hăm Anih vei lăng Mŭk drăm Trung ương.

VOV4.Bahnar – Kơsơ̆ năr 8/3, Kơdră Kuôk hô̆i Vương Đình Huệ hlôi sơng Kơdră tang măt ăn teh đak Trung Quốc Hùng Ba tơ̆ Hnam Kuôk hô̆i vă pơma đam gah tơbôl kơ 2 Đảng, 2 teh đak păng anih jang chih akŏm khôi luơ̆t kơ teh đak.

VOV4.Bahnar - Pơgê năr 8/3, tơ̆ Hơnih tơm Canberra, lơ̆m ‘măng iung năm tơmang teh đak Australia, Thủ tướng Teh đak Phạm Minh Chính năm tơmang bơ̆ jang tơ̆ Hơnih jang Chă tơchĕng hơlen khoa hŏk păng kmăi kmŏk Khul Pơdrŏng atŭm(CSIRO).

VOV4.Bahnar - Pơgê brei (8/3), tơ̆ plt Hải Phòng, Tơring pơjei băl 5 plt găh Trung ương đei: Plt Hồ Chí Minh, Hà Nội, Hải Phòng, Đà Nẵng, Cần Thơ pơgơ̆r Hop akŏm pơtôch tơdrong pơkăp pơjei băl sơnăm 2023 păng kĭ pơkăp pơjei băl lơ̆m sơnăm 2024.

VOV4.Bahnar - Hơnih pơtho tơblăh kơ Hơnih chĕp pơgơ̆r Ƀô̆ đô̆i vei lăng sơlam teh đak dêh char Dak Lăk sơ̆ ‘noh hơnăn 9 Công an Kon pơlei iung tơblăh kơ dêh char, đei pơjing lơ̆m năr 30/7/1977. Tơdrong jang tơm kơ hơnih au ‘noh pơtho pơhrăm tơblăh ăn ƀô̆ đô̆i hle. Prăt jăl sơnăm vă jê̆ mĭnh poẳ anglŏ sơnăm, hơnih au ling lang jang ‘lơ̆ng twodrong jang, pơtho pơhrăm tơblăh gơ̆h hơgei, pơjao ăn Ƀô̆ đô̆i vei lăng sơlam teh đak kơ rim dêh char Dak Lăk, Gia Lai, Kon Tum, Đắk Nông, Khánh Hòa, Bình Định păng Quảng Ngãi. 

VOV4.Bahnar - Kơsơ̆ năr 7/3, tơ̆ hnam Kuô̆k hôi, Hơnih tơm Canberra, Australia, Thủ tướng Teh đak Phạm Minh Chính pơma dơnuh hăm Kơdră chĕp pơgơ̆r Thượng viện Australia, yă Sue Lines (Xu-lai). 

VOV4.Bahnar - Ƀlep lơ̆m năr tơbăt 114 sơnăm năr Apŭng plĕnh teh đe drŏ kăn (8/3), kơsơ̆ brei (7/3), tơ̆ hơnih bơ̆ jang Khul kơdră Teh đak, Bí thư Trung ương Đảng, Kơ iĕng Thủ tướng Teh đak Lê Minh Khái tơƀơ̆p muh măt hmach chơt hơ iă ăn bơngai tang măt drŏ kăn hŏk jrŭ gơ̆h hơgei păng pôk ăn hơmam hơpăh Kovalefskaia sơnăm 2023.

VOV4.Bahnar - Hơnih vei lăng kon pơlei dêh char Dak Lăk ‘nao tơlĕch ‘măng pơlong gĭt kăl kơkuh chơt hơ iă tơbăt 120 sơnăm Năr pơjing dêh char păng tơlĕch jang ‘Măng pơlong hơlen băt Chăl sơnăm 120 sơnăm pơjing, atŏk tơ iung dêh char Dak Lăk.