VOV4.Bahnar - Kơsơ̆ 18/9, tơ̆ Hà Nội, Phŏ Thủ tướng Nguyễn Hòa Bình, Kơdră Khŭl roi tơƀôh trong hơlen lăng chă rơih hơchăng bơngai oei phak lơ̆m hnam pơnă vă ăn brŏk hrôih sơnăm 2024 pơgơ̆r hop akŏm set hơlen, kĭ hla ar chih măt dôm bơngai vă asong brŏk  đơ̆ng hnam pơnă hrôih sơnăm 2024.

VOV4.Bahnar -  Gơnơm iung jang hơdoi kơjăp ƀar păh rim hơnih bơ̆ jang, khul jang păng tơdrong kơchăng đơ̆ng kon pơlei, tơdrong sar bar pơm ăn rơka tơ̆ đe hơ ioh kơ apŭng Di Linh, dêh char Lâm Đồng hlôi đei tơplih kơtang lơ̆m sơnăm 2024. Rim trong iung jang tag găn hơlou đei tơlĕch jang kiơ̆ hrơ̆p mĭnh ‘măng, tơgop kơtang lơ̆m vei lăng năng tông jơhngơ̆m pran jăng grăng alou păng sơđơ̆ng ăn đe hơ ioh.

VOV4.Bahnar - Pơgê brei (18/9) tơ̆ Anih jang Trung ương Đảng, Hop akŏm ‘măng mă 10 Khŭl chĕp kơ̆l pơgơ̆r Trung ương Đảng jăl XIII hlôi pơgơ̆r pơih blŭng.

VOV4.Bahnar – Kơsơ̆ brei (17/9), tơ̆ plt Buôn Ma Thuột pơgơ̆r hop akŏm hơlen năng tŏk bŏk jăl Bơ̆jang kiơ̆ “Tơdrong drơ̆ng nơ̆r jang hơdoi yoa tơdrong rơngei păng jang tŏk” đơ̆ng Khul drŏ kăn dêh char Đắk Lắk (Việt Nam) păng Khul drŏ kăn dêh char Mondulkiri (teh đak Campuchia), đơ̆ng 2022 – 2027.

VOV4.Bahnar – Kơsơ̆ brei, 17/9, tơ̆ Hà Nội, Hnam Hŏk Chinh trĭ quốc gia Hồ Chí Minh pơm lêh tih tơbăt 75 sơnăm năr pơjing Hnam hŏk (9/1949-9/2024) păng sơng iŏk Mê đai bơ̆ jang dơ̆ng mă mônh; pơih pơdăh tơpăt truh tơ̆ dôm anih hyup iŏk tơ̆ dôm hnam trưng găh sư.

VOV4.Bahnar - Kơsơ̆ năr 17/9, Thủ tướng Phạm Minh Chính, Kơdră Jơnŭm pơgơ̆r ming man tơdrong kăp gĭt kơ teh đak, tơdrong ming man dơnơm kơ Anih jang gah Trong nơnăm Pơdŭ tơmam drăm (Jơnŭm pơgơ̆r jang) pơgơ̆r ‘măng hop akŏm mă 14 kơ Jơnŭm pơgơ̆r jang.

VOV4.Bahnar – ‘Mi tih đunh năr hlôi pơm tơhlŭn hơlih hli hlơt hăm taluy jăl trong Hồ Chí Minh găn thôn 3, xah Quảng Tín, apŭng Đak R’Lấp, dêhc har Đak Nông. Jơnŭm pơgơ̆r tơring, rim anih jang đei tơrĕk tenh kuăng yông ‘nhăk lơ unh hnam kon pơlei lơ̆m tơring hli hlơt năm oei tơ̆ nai.

VOV4.Bahnar – Hăm jơhngâm đon “’mêm mơnat, băt tơgŭm băl”, “Hla ‘lơ̆ng bơ̆ng hla hiăh”, Radio pơdăh tivi Ki thuơ̆t sô̆ VTC, Công ty jang hơdoi kuang kăo lpơ̆m kơmăy roi tơbăt Oscar (Oscar Media) păng Ƀăo Hà nội ‘nao hlôi pơgơ̆r tơdỏng hơri hơxoang “Vang tơgŭm yoa kon pơlei tơ̆ tơring ‘mi kial đak lơ̆p” hăm hơnăn “Việt Nam pran kơtang” lơ̆m gơmăng ‘năr (17/9) tơ̆ Anih joh hơri hơxoang Âu Cơ, Hà Nội.

VOV4.Bahnar – Pơgê năr 17/9, tơ̆ Hnam Kuôk hô̆i, pơgơ̆r Hop akŏm Đảng đoan Kuôk hô̆i hăm Jơnŭm asong bơngai jang kơ Đảng Jơnŭm pơgơ̆r teh đak gah tơdrong hơmet ăn Hop akŏm mă 8, Kuôk hô̆i jăl 15.

VOV4.Bahnar – Pơgê năr 17/9, tơ̆ Anih jang đe Kơdră, Ƀok Tổng Bí thư, Kơdră teh đak bơ̆n Tô Lâm sơng Kơdră jang tang măt ăn dôm teh đak Sri Lanka, Áo păng 14 Kơdră jang tang măt truh ăn Kơthơ pơkăp pơm jang tơ̆ Việt Nam.