VOV4.Bahnar - Au ki, khul bơ̆ jang kơ rim Kơdră jang lơ̆m Khul kơdră chĕp pơgơ̆r teh đak kơ yuơ Kơdră jang lơ̆m Hơnih chĕp pơgơ̆r Trung ương Đảng, Kơdră chĕp pơgơ̆r Hơnih tơm jang tơbôl Bùi Thanh Sơn pơm kơdră khul hlôi bơ̆ jang hăm dêh char Gia Lai. Dôm tơdrong bơ̆ jang đei ƀơm truh tơdrong choh jang sa pơm tơlĕch tĕch mơdro, tơmơ̆t jên jang tơ iung pơjing ming man păng tĕch mơdro tơ̆ teh đak đe lơ̆m dêh char; pơtrŭt kơtang tĕch mơdro tơ̆ teh đak đe păng tơƀôh tơbăt um rup dêh char.

VOV4.Bahnar – Kơsơ̆ năr 20/3, Thủ tướng Phạm Minh Chính hlôi sơng ƀok Karthik Rammohan, Phŏ Kơdră dơnơm kơ Anih jang Lam Research (Hoa Kỳ) păng tang măt ăn Kŏng ti Seojin (Hàn Quốc).

VOV4.Bahnar – Phŏ Thủ tướng Trần Hồng Hà ‘nao pơgơ̆r tơdrong iŏk nơ̆r tơgop gah chih akŏm “Tơchơ̆t jang hơtŏk pơtho pơhrăm truh sơnăm 2030, sơkơ̆t truh sơnăm 2045”.

VOV4.Bahnar - Kơsơ̆ brei, 19/3, Khul kơdră chĕp kơ̆l Đảng dêh char Kon Tum pơgơ̆r Hop akŏm pơtôch tơdrong jang tơiung pơjing Đảng jăl jang 2020 - 2025 păng pơtôch 15 sơnăm bơ̆ jang kiơ̆ Tơdrong hơgăt đơ̆ng Đảng 2011 - 2025. 

VOV4.Bahnar - Kơsơ̆ 19/3, Phó Thủ tướng Trần Lưu Quang sơng Kơdră Anih jang hơdoi hăm apŭng plenh teh kơ teh đak Hàn Quốc (KOICA) Chang Won-sam oei hơpong tơ̆ Việt Nam.

VOV4.Bahnar - Kơsơ̆ brei, 19/3, Thủ tướng Phạm Minh Chính sơng Bơngai jang tang măt ăn teh đak Lào păng Bơngai tang măt ăn teh đak Hàn Quốc ƀlep ƀât 2 ‘nu bơngai tang măt truh iŏk tơdrong jang tơ̆ teh đak Việt Nam.

VOV4.Bahnar - Pơgê 19/3, tơ̆ Hà Nội, Thủ tướng Phạm Minh Chính pơgơ̆r Hop akŏm tơƀơ̆p tơpôl mơdro sa đei jên tơmơ̆t jên jang kơtă teh đak đe (FDI) păng Hop akŏm Anih mơdro sa Việt Nam sơnăm 2024 (VBF 2024), vhăm hơnăn “Anih mơdro sa FDI iung jang hơdrol bơ̆jang kiơ̆ tơdrong jang hơtŏk rơgoh”.

VOV4.Bahnar - Pơgê brei (19/3), tơ̆ Hnam Quốc hội pơgơ̆r Hop akŏm tơlĕch tơdrong Tơchơ̆t kơsô̆ 969 đơ̆ng Anih chĕp kơ̆l pơgơ̆r Quốc hội pơtho tơƀôh tơdrong pơgơ̆r chih tơblang tơ̆ hop akŏm Anih vei lăng hơdrĕch kon kông, Anih jang kơ Quốc hội.

VOV4.Bahnar - Năr au, năr 19/3, Hơnih bơ̆ jang Khul kơdră Kuô̆k hô̆i pơgơ̆r Hop akŏm tơlĕch jang kiơ̆ Tơdrong tơchơ̆t 969 kơ Hơnih bơ̆ jang Khul kơdră Kuô̆k hô̆i jăl XV pơtho tơbăt tơdrong pơgơ̆r jang tơblang hơdăh tơ̆ ‘măng hop akŏm Jơnŭm vei lăng Kon kông, Hơnih bơ̆ jang kơ Kuô̆k hô̆i. 

VOV4.Bahnar – ‘Năr brei (18/3), tơ̆ Hà Nội, Thượng tướng Lương Tam Quang, jang lơ̆m Trung ương Đảng, Thư̆ trương Anih tơm Kŏng an hlôi sơng Khul jang mŭk drăm kăp gĭt kơ Jơnŭm jang Tĕch pơdro Hoa Kỳ - ASEAN (USABC) tŏk bŏk năm tơmang, pơm jang tơ̆ Việt Nam.