VOV4.Bahnar - Kơsơ̆ ‘năr 20/6, Tổng Bí thư Nguyễn Phú Trọng hlôi pơma đam hăm Kơdră tơm Vladimir Putin tơ̆ anih jang Trung ương Đảng. 

VOV4.Bahnar - Pơgê brei (20/06), Anih pơgơ̆r jang kơ teh đak ‘Măng pơlong tốt nghiệp hŏk jăl 3 sơnăm 2024 pơgơ̆r hop akŏm trực tuyến hăm Anih pơgơ̆r pơlong kơ 63 dêh char, pơlei tơm vă dăr hơlen tơdrong jang hơmet ăn ‘măng pơlong pơgơ̆r đơ̆ng ‘năr 26 truh ‘năr 29/6 truh.

VOV4.Bahnar - Ƀlep ƀơ̆t tơbăt 99 sơnăm Năr hla ar tơroi Cách mạng Việt Nam, pơgê brei (20/6) Kơdră dơnơm Anih radiô nơ̆r pơma Việt Nam Đỗ Tiến Sỹ, dôm Phŏ kơdră dơnơm: Trần Minh Hùng, Vũ Hải Quang hlôi sơng lơ anih jang truh hmach thơ thâu Năr hla ar tơroi Cách mạng Việt Nam.

VOV4.Bahnar – ‘Năr dơ̆ng ‘năr 20/6, Lêh sơng Kơdră tơm teh đak Nga Vladimir Putin đei pơgơ̆r tih tơ̆ Anih jang kơ ƀok Kơdră teh đak kiơ̆ tơdrong lêh ‘măn ăn Kơdră chĕp kơ̆l teh đak, Ƀok Kơdră Tô Lâm pơgơ̆r lêh sơng âu.

VOV4.Bahnar - Pơgê 20/6, Jơnŭm pơgơ̆r kon pơlei dêh char Đắk Lắk jăl X, đơ̆ng 2021- 2026 pơih pơgơ̆r hop akŏm kiơ̆ tơdrong jang ‘măng mă 13 hăm lơ tơdrong gĭt kăl.

VOV4.Bahnar - Tơmam hơpăh Ƀao chĭ Teh đak ‘măng mă 18 gô đei pơgơ̆r lơ̆m gơmăng dơning, năr 21/6 tơ̆ Hà Nội. Gô đei 10 tơmam hơpăh A, 26 tơmam hơpăh B, 45 tơmam hơpăh C păng 41 tơmam hơpăh pơchhơp jơhngơ̆m đei pôk ăn rim ƀai chih hơ iă, ‘lơ̆ng.

VOV4.Bahnar - Drơ̆ng kiơ̆ nơ̆r krao hơvơn đơ̆ng Tổng Bí thư Nguyễn Phú Trọng pơgê ou (20/6) Ƀok Kơdră tơm Liên bang Nga Vladimir Putin hlôi truh tơ̆ Hà Nội iung năm tơmang teh đak bơ̆n.

VOV4.Bahnar - Tơbăt 99 sơnăm Năr ƀăo chĭ kĕch mang Việt Nam (21/6), kơsơ̆ brei (19/6) tơ̆ Hà Nội, Kơdră chĕp pơgơ̆r Teh đak Tô  Lâm năm ngôi păng hmach chơt hơ iă ăn rim bơngai jang chih kơtơ̆ng ang sơnăm ‘lŏ kră tơ̆ Hà Nội. 

VOV4.Bahnar - Kơsơ̆ năr 19/6, Thủ tướng Phạm Minh Chính sơng Kơdră dơnơm kơ Anih jang Unh hơyuh Nguyên tưh teh đak Nga (Rosatom) tŏk bŏk oei pơm jang tơ̆ Việt Nam ƀơ̆t ‘măng năm tơmang đơ̆ng ƀok Kơdră teh đak Nga Vladimir Putin.

VOV4.Bahnar – Tơ̆ Anih jang đe Kơdră, ƀok Kơdră teh đak bơ̆n Tô Lâm sơng pơma dơnuh hăm Kơdră jang tang măt ăn teh đak Thụy Điển Ann Mawe truh hmach tơklah đĭ jăl jang.