VOV4.Bahnar - Sơnăm 2004, dêh char Dak Nông đei pơjing dơ̆ng hăm 6 apŭng găh Pơbăh dêh char Dak Lăk (so). 20 sơnăm đơ̆ng rŏng, Dak Nông hlôi yak hloh dêh char dơnuh. Jang đei jơnei ‘noh, đei tơdrong tơgop đơ̆ng dôm đảng viên, kră pơlei, bơngai đei kon pơlei yom lơ̆m kon pơlei kon kông, tơgop tơgŭmn pơlei pơla sơđơ̆ng chinh trĭ, atŏk tơ iung mŭk drăm-tơpôl. Dêh char Dak Nông jei đei trong jang hơnơ̆ng atŏk kơtang hơnăp jang kơ bơngai đei kon pơlei yom lơ̆m tơring kon kông, tơgop atŏk kơtang lang să jơhngơ̆m pran jang kiơ̆ trong jang hơdrin atŏk tơ iuntg jing dêh char đei ƀôh kơ tơring Tây Nguyên.

VOV4.Bahnar – Năr 18/3, tơ̆ Anih jang kơ Jơnŭm pơgơ̆r teh đak, Thủ tướng teh đak bơ̆n Phạm Minh Chính hlôi sơng Ƀô̆ trương jang tơbôl Uzbekistan Bakhtiyor Saidov tŏk bŏk oei tơmang teh đak Việt Nam đơ̆ng năr 17 - 19/3/2024.

VOV4.Bahnar - Pơgê năr 18/3, tơ̆ Hà Nội, Kơdră chĕp pơgơ̆r Kuôk hô̆i Vương Đình Huệ pơm tơm păng iung pơma blŭng a ‘Măng hop akŏm apĭnh hơlen păng tơl hơdăh nơ̆r apĭnh tơ̆ ‘Măng hop akŏm mă 31 kơ Hơnih bơ̆ jang Kuô̆k hô̆i găh tơdrong jang jên hu.

VOV4.Bahnar - Mât lơ̆m khei ‘năr tŏ dêh hlŏh kơ pơyan phang, tơ̆ dêh char Đắk Nông đĭ đei 11 ‘măng unh xa bri. Tơ̆ hơnăp kơ tơdrong krê unh xa bri tôch dêh, anih jang kơpal hlôi hơtŏk lơ trong jang tang găn unh xa bri.  

VOV4.Bahnar - Pơgê 17/3, dêh char Điện Biên pơgơ̆r Hop akŏm roi tơbăt tơdrong Tơproh trong jang ăn dêh char đơ̆ng 2021- 2030, trong vă jang truh sơnăm 2050. Phó Thủ tướng Trần Hồng Hà truh akŏm păng pơma nơ̆r tho.

VOV4.Bahnar - Thủ tướng Phạm Minh Chính pơgơ̆r hop akŏm hơmet pơ ‘lơ̆ng pơmat tat, hơtŏk tơdrong jang man hnam oei ăn tơpôl. Hop akŏm đei pơgơ̆r kiơ̆ trong trư̆k tuyê̆n đơ̆ng Anih jang kơ Khul kơdră teh đak truh hăm 63 dêh char, plt lơ̆m teh đak.

VOV4.Bahnar - Ƀok Nguyễn Thái Học, Phŏ Kơdră Anih jang Nội chính Trung ương đei Anih tơm Chinh trĭ pôk pơm Bí thư đảng dêh char Lâm Đồng kơplăh dang ei.

VOV4.Bahnar - Hơnơ̆ng tơdrong jang ‘Măng hop akŏm mă 31, năr ‘nâu (18/03) Anih chĕp kơ̆l pơgơ̆r Kuôk hô̆i pơgơ̆r tơdrong jang apĭnh jet păng tơl nơ̆r apĭnh jet. Kơdră Anih tơm vei lăng Jên hu Hồ Đức Phớc păng Kơdră Anih tơm Jang tơbôl Bùi Thanh Sơn gô tơl nơ̆r apĭnh jet 2 grŭp tơdrong jang jên hu păng jang tơbôl.

VOV4.Bahnar - Lơ̆m tơdrong tơblah Mih, mă kăl noh đơ̆ng sơnăm 1967- 1975 jăl trong Hồ Chí Minh găn tơring sơlam dêh char Kon Tum jing tơring tơm ƀơm phă pơrăm, pơgăn kơnê̆ kơnôt đơ̆ng khul linh gre păr păng khul linh Mih- Ngŭy. Puăn jĭt tơsĭn sơnăm đơ̆ng rŏng kơ năr tơring Pơbah đei jơnei rơngei, Tu – Pơbah jing minh tơring, jăl trong ƀenh kơ ƀôm ‘mrơ̆m sơ̆ ki hlôi hơtŏk tơ-iung, rim pơlei pơla hlôi đei sô̆ hơ-iă phĭ tơtŏ dơnŏ ‘lơ̆ng.

VOV4.Bahnar - Kơsơ̆ brei (15/3), Khul jang đơ̆ng Khul kơdră teh đak yoa ƀok Kơdră tơm jang tơbôl Bùi Thanh Sơn chĕp kơ̆l đei jơ bơ̆ jang hăm kơdră chĕp kơ̆l dêh char Kon Tum găh tơdrong jang mŭk drăm, tơpôl tơ̆ dêh char.